TARAZ. 3 mamyr. Jambyl oblystyq dene shynyqtyrý jáne sport basqarmasynyń bastamasymen Qazaqstan Respýblıkasy Táýelsizdiginiń 25 jyldyǵyna arnalǵan «Aýla oıyndary» men «Kóshe oıyndarynyń» eki kezeńi ótti. Bul týraly egemen.kz tilshisi habarlady.
Aýla oıyndary jarystyń qalashyq, láńgi, asyq atý, qashpa dop jáne sekirmek túrleri boıynsha ótkizildi.
Birinshi kezeń – irikteý (aýla, kóshe, aýyl deńgeıindegi jeńimpazdardy anyqtaý) oıyndary 10 naýryz – 10 sáýir aralyǵynda ótkizildi. Ekinshi kezeń – aýdandyq, qalalyq (aýdan, qala deńgeıindegi jeńimpazdardy anyqtaý) jarystar 10 – 20 sáýir aralyǵynda ótti. Úshinshi kezeń – fınal (oblys deńgeıindegi jeńimpazdardy anyqtaý) 6 mamyr kúni ótkiziledi. Oblystyq jarystarǵa Taraz qalasynyń jáne aýdandardyń qurama komandalary qatysady.
Jalpy jarystyń aýyldyq jerde ótken birinshi kezeńine 13 myńnan astam sportshy qatysty. Aýdandyq, qalalyq irikteý jarystaryna (ekinshi kezeńi) 2,5 myńnan astam sportshy baq synasty. Al oblystyq irikteý jarysyna 150-ge jýyq sportshynyń qatysýy josparlanýda.
Kóshe oıyndarynyń oblys chempıonaty jarystyń strıtbol, krossfıt, narodnyı jım, strıt vorkaýt túrleri boıynsha ótkizildi.
Jarystyń aýdandyq irikteý kezeńine 1700 jýyq sportshy qatysty. Al oblystyq irikteý jarysyna 500-den astam sportshynyń qatysýy josparlanýda.
Jarysty ótkizýdiń negizgi maqsaty – oblys turǵyndaryn, ońyn ishinde jastar arasynda buqaralyq qol jetimdi sport túrlerimen aınalysýǵa, jastardy esirtkiden, shylym tartýdan, ishimdikke jáne kompıýter oıyndardyń qumarlyqtan bas tartýǵa shaqyra otyryp, jastar arasynda salaýatty ómir saltyn nasıhattaý, jastardy otansúıgishtikke, patrıottyq sezimge jáne ultjandylyqqa tárbıeleý.
Oralhan Dáýit.
Derek, foto: egemen.kz