Almaty qalasy ákiminiń jańa orynbasary taǵaıyndaldy. Medeý aýdanynyń burynǵy ákimi Sultanbek Mákejanov qala ákiminiń burynǵy orynbasary Bolat Saýranbaevtyń ornyna keldi. Bul týraly qalalyq ákimdiktiń baspasóz qyzmetine silteme jasaǵan egemen.kz tilshisi habarlady.
Sultanbek Mákejanov 1961 jyly Jambyl oblysynda týǵan. Eńbek jolyn «Karagandapromstroı» tresiniń sheberi, ınjener-geodezıst bolyp bastaǵan. Almaty temirjoly komsomolynyń hatshysy bolǵan. 1990-1992 jyldary «Halyq qazynasy» kásiporny tóraǵasynyń orynbasary, «Saıan» jaýapkershiligi shekteýli seriktestiginiń, «Astana-Holdıng bank» aksıonerlik qoǵamynyń, «Kazahınvest» korporasııasynyń, «Aelıta», «Sırıýs» jaýapkershiligi shekteýli seriktestiginiń basshylyǵynda qyzmet atqarǵan. 2002 jyly Mańǵystaý oblysy ákiminiń kómekshisi, 2004 jyly Mańǵystaý oblysy ákiminiń orynbasary, 2005-2006 jyldary Almaty ákimi apparatynyń basshylyǵynda qyzmet etken.
Aıan Ábdýálı.
Derek: Almaty qalalyq ákimdiginiń baspasóz qyzmeti.
Foto: inform.kz.