ASTANA. 11 mamyr. Qazaqstan Prezıdenti Nursultan Nazarbaev Memlekettik qyzmet isteri mınıstri Talǵat Donaqovty qabyldady. Bul týraly akorda.kz-ke silteme jasaǵan egemen.kz tilshisi habarlady.
Talǵat Donaqov taıaýda qurylǵan mınıstrlik qyzmetiniń osy aralyqtaǵy nátıjeleri, sondaı-aq, memlekettik qyzmet júıesiniń qazirgi ahýaly týraly baıandady.
Qazaqstan Prezıdenti «Ult jospary» aıasyndaǵy kásibı memlekettik apparat qalyptastyrýǵa baǵyttalǵan reformalardy tıimdi júzege asyrýdyń mańyzdylyǵyna nazar aýdardy.
Talǵat Donaqov bıylǵy birinshi toqsanda mınıstrlikti uıymdastyrý kezeńi aıaqtalǵanyn, onyń ortalyq jáne óńirlik deńgeıdegi qurylymy aıqyndalǵanyn aıtty. Mınıstrlik básekege qabiletti kadrlar quramynan jasaqtaldy jáne qoıylǵan mindetterdi oryndaýǵa daıyn.
Memleket basshysy kezdesý qorytyndysy boıynsha birqatar naqty tapsyrma berdi.
Talǵat Raıymbek.
Derek, foto: akorda.kz.