Shymkentte keshe 12 jasar qyz bala joǵalyp ketti

ShYMKENT. 23 mamyr. Qalada keshe 12 jasar qyz bala aıaq astynan joǵalyp ketti. Bul týraly qalalyq ishki ister basqarmasy baspasóz qyzmetiniń deregine súıengen egemen.kz tilshisi habarlady. Habarlanǵandaı, búgin Shymkent qalalyq ishki ister basqarmasyna qarasty Qarataý polısııa bólimshesine «Nursat» shaǵyn aýdanynda turatyn 34 jastaǵy áıel óziniń 2004 jyly týǵan, №80 orta mekteptiń 5-synybynda oqıtyn Nasyr Balnur Baqytjanqyzy esimdi jasy kámeletke jetpegen qyzynyń iz-túzsiz joǵalyp ketkenin aıtyp, shaǵymdanyp kelgen. Ol úıden 22 mamyr kúni saǵat 21:00 shamasynda shyǵyp ketip, sodan qaıtyp oralmaǵan. Polıseıler atalmysh faktini t irkeýge alyp, kámeletke tolmaǵan Balnur Nasyrdyń júrgen jerin anyqtaý úshin oblystaǵy barlyq ishki ister bólimderine baǵyttamalar jiberdi. Joǵalǵan qyzdy izdestirý maqsatynda oblystyq ishki ister departamenti krımınaldy polısııasy, Qarataý polısııa bólimshesi jáne departamenttiń basqa da bólimsheleri qyzmetkerlerinen quralǵan jedel-izdestirý toby jasaqtaldy. Qyzdyń belgileri mynadaı: boıy shamamen 150-155 sm, orta deneli, kózi qara, shashy qara. Joǵalar aldynda ústine jasyl tústi kofta, jasyl tústi shalbar, kókshil tústi sandal kıgen. Ońtústik Qazaqstan polıseıleri joǵalǵan Nasyr Balnur Baqytjanqyzynyń júrgen jerleri jóninde áldeqandaı aqparlary bar blys turǵyndary men qonaqtaryna 8-771-883-30-13, 8-747-909-99-66 nemese 102 telefondary boıynsha ishki ister departamentine habarlasýdy nemese Shymkent qalasyndaǵy Jeltoqsan, 13-úıge kelýdi suraıdy. Baqtııar Taıjan. Derek, foto: Ońtústik Qazaqstan oblystyq ishki ister departamentiniń baspasóz qyzmeti.