QARAǴANDY. 24 mamyr. Temirtaý qalasyndaǵy Samarqan sý qoımasynda akademııalyq eskek esýden ótken Qazaqstan kýbogy syny qaraǵandylyq sportshylardyń jeńisimen aıaqtaldy. Bul týraly oblystyq dene shynyqtyrý jáne sport basqarmasynyń baspasóz qyzmetine silteme jasaǵan egemen.kz tilshisi habarlady.
Jarysqa Ońtústik Qazaqstan, Batys Qazaqstan, Qaraǵandy oblystarynyń jáne Astana qalasynyń 78 sportshysy qatysty. Qaraǵandy oblysynyń eskek esýshileri jalpykomandalyq saıysta birinshi oryndy jeńip aldy.
Quramynda 44 sportshy óner kórsetken Qaraǵandy oblysy komandasynyń enshisine 10 altyn, 4 kúmis jáne 5 qola medal buıyrdy.
Aıta keteıik, osy kýbok synyna qatysqan qaraǵandylyq eskek esýshiler Svetlana Germanovıch pen Vıtalıı Vasılev budan buryn Rıo-2016 Olımpıadasynyń lısenzııasyn jeńip alǵan bolatyn.
Qaırat Ábildınov.
Derek, foto: Qaraǵandy oblystyq dene shynyqtyrý jáne sport basqarmasynyń baspasóz qyzmeti.
