TALDYQORǴAN. 25 mamyr. Almaty oblysynda sý qoımalarynda jáne aıdyndarda sýdan zardap shekkenderge ýaqtyly kómek kórsetetin jedel-qutqarý jasaǵy jumysyn bastady. Bul týraly egemen.kz tilshisi habarlady.
Oblysta jyl saıyn jazǵy shomylý maýsymynda oblystyq tótenshe jaǵdaılar departamentiniń jedel-qutqarý jasaǵynyń beketteri joq jerlerde, adam ómirine qaýip tóndiretin jaǵdaılar jıi oryn alady. Aıtalyq, byltyrǵy jyldyń jazǵy maýsymyna júrgizilgen statıstıkalyq málimetke súıensek, arnaýly qutqarýshylar toby kúzetinen tys sý aıdyndarynda 79 adam qaza bolsa, olardyń ishinde 16-sy balalar eken.
Sýdaǵy tótenshe jaǵdaılardyń basty sebepteri, azamattardyń sý aıdyndarynda demalýynan, shomylýǵa arnalmaǵan jerlerde shomylýynan, sýdaǵy qaýipsizdik talaptaryn bilmeýinen, spırttik ishimdik iship shomylýynan, júze bilmeýinen, balalardyń sý jaǵasynda eresekterdiń baqylaýynsyz qalýynan bolatyny belgili.
Jedel-qutqarý jasaǵy qutqarý bólimsheleri ornalasqan sý qoımalarynda jáne aıdyndarda sýdan zardap shekkenderge ýaqtyly kómek kórsetilip, byltyr 236 adam qutqaryldy.
Nurbol Áldibaev.
Derek, foto: egemen.kz
