Shyǵys Qazaqstanda turǵyn úı qurylysynyń qarqyny artty

О́SKEMEN. 25 mamyr. Shyǵys Qazaqstan oblysynyń Ulan aýdanynda sońǵy 4 aıda 1714 sharshy metr turǵyn úı paıdalanýǵa berildi. Bul týraly Shyǵys Qazaqstan oblysy aqparattyq ortalyǵyna silteme jasaǵan egemen.kz tilshisi habarlady. Turǵyn úılermen bir mezette áleýmettik nysandar da iske qosylýda. Bul 23,6 paıyzdyq ósimdi kórsetedi. Aýdan ákimi Dáýlet Batyrbaevtyń aıtýynsha, aýdannyń damýy jańa nysandardyń iske qosylýymen baǵalanatyn bolsa, sońǵy bes jylda Ulan aýdanynda 7 jańa mektep, 3 balabaqsha, 2 aýyldyq klýb, 2 otbasylyq-dárigerlik ambýlatorııa, 3 turǵyn úı paıdalanýǵa berildi. Búginde «Qazaqstan ıpotekalyq kompanııasy» aksıonerlik qoǵamynyń jelisi boıynsha eki úıdiń qurylysy aıaqtaldy. «О́ńirlerdi damytýdyń 2020 jylǵa deıingi baǵdarlamasy» sheńberinde bıyl mamyr aıynda Qasym Qaısenov kentinde jalpy somasy 564 mıllıon teńgeni quraıtyn 40 páterli eki úıdiń qurylysy bastaldy. Bul úılerdi jyl sońyna deıin paıdalanýǵa berý josparlanyp otyr. Sondaı-aq, Tavrııa aýylynda 320 oryndyq mekteptiń qurylysy aıaqtalady. Aıta keteıik, osy jyldyń bastapqy 4 aıynda aýdandaǵy qurylys jumystary 1107,5 mıllıon teńgeni qurap, ótken jyldyń balamaly ýaqytymen salystyrǵanda eki esege ósti. Dýman Anash. Derek, foto: Shyǵys Qazaqstan oblysy aqparattyq ortalyǵy.