Pavlodarda oqýshylardyń 741 jazǵy demalys lageri ashylady

PAVLODAR. 28 mamyr. Pavlodarda mektep oqýshylarynyń jazǵy demalysyn tıimdi uıymdastyrý maqsatynda 741 tynyǵý lageri ashylady. Bul týraly oblystyq bilim berý basqarmasynyń baspasóz qyzmetine silteme jasaǵan egemen.kz tilshisi habarlady. Oblys kóleminde ashylatyn 741 lagerdiń 345-i – mektep janyna ornalassa, 376-sy – profıldi, 6-y – kıiz úı, 4-ýi – kóshpendi lager jáne 10-y – qala syrtyndaǵy tynyǵý lageri. Mektep janyndaǵy jáne qala syrtyndaǵy demalys oryndarynda jetim qalǵan jáne kóp balaly, az qamtamasyz etilgen otbasylardan shyqqan 10 myń bala tegin demalady. О́ńirdegi 8 myńnan astam oqýshy jazǵy ýaqytta eńbek etip, tabys taba alady. Olar aýdandaryndaǵy kógaldandyrý jáne kóriktendirý jumystaryna qatysady. Bul maqsatqa bıýdjetten 56 mıllıon teńge bólinedi. Ekologııalyq tárbıe berý maqsatynda 300-den astam oqýshy mektep ormanshylyqtarynda kóshet otyrǵyzyp, aramshóp julýmen aınalysady. Sharbaqty, Lebıaji, Jelezın aýdandarynda memlekettik «Ertis ormany» rezervaty, Baıanaýyl aýdanynda «Baıanaýyl» ulttyq tabıǵı parki oqýshylardyń tólemaqysyna qarjy bólgen. Farıda Byqaı. Derek, foto: egemen.kz.