Tabysty memleket, tabysty el

Qazaqstan budan 25 jyl buryn táýelsizdik alyp, dańǵyl damý jolyna tústi. Alǵash ret álemdik qoǵamdastyq moıyndaǵan, resmı resimdelgen egemen memleket mártebesin aldy. Táýelsiz Qazaqstannyń negizin qalaýshy Tuńǵysh Prezıdent – Elbasy Nursultan Nazarbaev. Osynaý eleýli dáýir oqıǵasy ata-baba men talaı urpaqtyń oryndalǵan úmit-armandary edi. Táýelsizdikten keıingi jyldarda Qazaqstan álemniń básekege barynsha qabiletti 50 eliniń qataryna kirdi. «Qazaqstan-2030» Strategııasyn merziminen buryn oryndap, 5 ınstıtýttyq reformanyń «100 naqty qadam» Ult Jospary men bolashaqqa baǵdarlanǵan «Máńgilik El» jalpyulttyq patrıottyq ıdeıa­syn oryndaýǵa kiristi. Qazaqstan Respýblıkasynyń Tuńǵysh Prezıdenti – Elbasynyń qory men BǴM ǴK Memleket tarıhy ınstıtýty birlesip ótkizgen «Qa­zaqstan Respýblıkasy Táýel­sizdi­giniń 25 jyldyǵy: tabysty mem­leket, tabysty el» atty halyq­aralyq ǵylymı-praktıkalyq konfe­rensııasy osynyń aıqyn dáleli boldy. Konferensııa barysynda Pol­­­shanyń Qazaqstandaǵy bu­ryn­­ǵy elshisi Vladyslav Soko­lovs­kıdiń ǵylymı redaksııasymen daı­yn­dalǵan «Handyqtan respýblıkaǵa deıin: Qazaqstan memlekettiliginiń tarıhı jáne zamanaýı sharttary» atty kitabynyń tusaýkeseri ótti. Jıyndy tarıh ǵylymdarynyń doktory, professor Búrkitbaı Aıaǵan júrgizip otyrdy. Atalǵan shara Qazaqstan Res­pýblıkasynyń Tuńǵysh Prezıdenti – Elbasy qorynyń atqarýshy dırektory Saǵyndyq Nurahanovtyń quttyqtaý sózimen ashyldy. Sodan soń Qazaqstan Respýb­lıkasynyń Tuńǵysh Prezıdenti – Elbasy kitaphanasynyń atqarýshy dırektory Beısembaı Jumabekov, Parlament Senatynyń depýtaty Jabal Erǵalıev, Parlament Májilisiniń depýtaty Abaı Tas­bolatov, Ulttyq muraǵattyń bas dırektory Marat Ábsemetov, sheteldik qonaqtar qatysyp, atalǵan taqyryp aıasynda sóz sóıledi. Konferensııaǵa jetekshi she­teldik ǵalymdar: Nazarbaev Ýnı­versıtettiń Gýmanıtarlyq jáne áleýmettik ǵylymdar mektebi saıa­sattaný jáne halyqaralyq qatynastar kafedrasynyń asso­sı­asııalanǵan professory, PhD doktory Charlz Sallıvan (AQSh); Máskeý memlekettik oblystyq ýnıversıteti Strategııa jáne taldaý ınstıtýtynyń dırektory, tarıh ǵylymdarynyń doktory, professor Vıtalıı Ershov (Reseı); I.Djavahıshvılı atyndaǵy Tbı­lısı memlekettik ýnıversıteti janyndaǵy Tarıh jáne etnografııa ınstıtýtynyń dırektory, tarıh ǵylymdarynyń doktory, professor Vaja Kıknadze (Grýzııa); Qyrǵyz Respýblıkasy Prezıdenti janyndaǵy Memlekettik basqarý akademııasynyń professory, tarıh ǵylymdarynyń doktory Aıdarbek Kochkýnov (Qyrǵyzstan); Gazı ýnıversıteti Gýmanıtarlyq ǵylymdar fakýlteti qazirgi túrik zertteýleri departamenti soltústik-batys (qazaq-qyrǵyz) zertteýleri bóliminiń professory, ǵylym doktory Gúljanat Erdjılasýn (Túrkııa); Korvınýs ýnıversıteti Halyqaralyq qatynastardyń kóp pándi doktorlyq mektebiniń (Býdapesht) ǵylym doktory Mıhaı Dobrovıch qatysty. Túpki maqsat – eldiń 25 jyldan bergi tolaǵaı tabystaryn túıindeý; Memleket basshysy N.Nazarbaevtyń Qazaqstan memlekettiligin qurý men nyǵaıtýdaǵy, respýblıkanyń kópbaǵytty saıasatyn jasaý men júzege asyrýdaǵy, «Máńgilik El» ult­tyq ıdeıasyn qalyptastyrýdaǵy, Qa­zaqstannyń tarıh ǵylymyn jan­dandyrýdaǵy rólin zertteý; tarıh ǵylymynyń ózekti jáne qazir­gi ulttyq tarıhnamanyń túıin­di má­se­lelerin «Máńgilik El» jalpy­ult­tyq ıdeıasynyń aıasynda zerdeleý. Konferensııa 2 seksııadan tu­rady: «Qazaqstan Respýb­lı­ka­synyń Tuńǵysh Prezıdenti jáne onyń Qazaqstan memlekettiligin qalyp­tastyrýdaǵy róli»; «Qazaq­stan Respýblıkasy Táýelsizdiginiń 25 jyldyǵy jáne otandyq tarıh ǵylymyn jańǵyrtý». Raýshan TÁÝIRHANQYZY, «Egemen Qazaqstan»