Jattyǵý barysyn Vasılıı Levıt, Astana qalasynyń Dene shynyqtyrý jáne sport basqarmasy basshysy arnaıy baryp kórdi. Ol sportshylardyń daıyndyq jaǵdaıymen tanysyp, jattyqtyrýshylarmen aldaǵy jumysty uıymdastyrý máselelerin talqylady.
«Búgin bazada alǵashqy bıatlon jáne shańǵy tebýden jattyǵýlar ótti. Men jeke jattyǵý prosesimen tanysyp, bapkerler men jas sportshylarmen sóılestim. Sonymen qatar, munda sporttyq baǵdarlaýmen aınalysatyn jas sportshylar da jattyǵatyn bolady. Shańǵy bazasy tolyq jumysqa daıyn jáne shtattyq rejımde qyzmet kórsetedi. Oqý-jattyǵý prosesin ótkizý jáne ártúrli deńgeıdegi sportshylardy daıarlaý úshin barlyq qajetti jaǵdaılar jasalǵan», dedi Vasılıı Levıt.
Jańa nysannyń ınfraqurylymy kúshtik qondyrǵylarmen jáne mamandandyrylǵan jabdyqtarmen qamtylǵan keń jattyǵý zalyn qamtıdy. Onyń ishinde «ERCOLINA» trenajeri bar. Sondaı-aq jyl boıy tehnıka shyńdaýǵa, konkımen syrǵanaý qımylyn ımıtasııalaýǵa, jyldamdyq pen kólbeý buryshty meńgerýge múmkindik beretin «Skate Treadmill RL3500E» kásibı trenajeri ornatylǵan. Bul jabdyq júktemeni dál rettep, mamandar baqylaýymen qaýipsiz jattyǵý ótkizýge ári sportshynyń daıyndyǵyn júıeli baǵalaýǵa jol ashady.
Mıhaıl Shaıdorov Olımpıadada óner kórsetken kostıýmin murajaıǵa tapsyrdy
Bazada shańǵylar men sporttyq jabdyqtardy daıyndaýǵa, saqtaýǵa jáne keptirýge arnalǵan arnaıy úı-jaılar da qarastyrylǵan.
«Men bıatlonnan aǵa jattyqtyrýshymyn. Qazirgi ýaqytta bizde 90-ǵa jýyq bala jattyǵady. Búgin jańa shańǵy bazasy jumysyn bastady jáne ol bizge unady. Balalar qýanyshty, biz buny kóp kúttik. Astanada alǵash ret jabdyqtardy saqtaıtyn jáne balalar kıim aýystyra alatyn baza paıda boldy. Biz óte rızamyz: bizdi qarsy alyp, bárin kórsetip, túsindirdi, qolaıly jaǵdaı jasady. Osy iske atsalysqan jandardyń barlyǵyna rahmet», dedi bıatlonnan jattyqtyrýshy-oqytýshy Evgenıı Tıýlegenev.
Jańa shańǵy bazasy aldaǵy ýaqytta balalar men jasóspirimder sport mektebiniń, Olımpıadalyq rezervti daıarlaý ortalyǵynyń, Joǵary sport sheberligi mektebiniń jáne buqaralyq sport klýbtarynyń tárbıelenýshilerin daıarlaýdyń negizgi alańyna aınalmaq.
Shańǵy bazasy kún saıyn saǵat 09:00-den 19:00-ge deıin jumys isteıdi.
