Almaty qalasy ákimdiginiń málimetinshe, ońtústik megapolıste barlyǵy 654 saılaý ýchaskesi jumys isteıdi. Qala turǵyndary óz ýchaskesin birneshe jolmen bile alady. Atap aıtqanda, kún saıyn saǵat 8:00-den 20:00-ge deıin jumys isteıtin biryńǵaı call-ortalyqtyń 1308 nómirine qońyraý shalýyna bolady. Sondaı-aq open-almaty.kz saıty arqyly jeke sáıkestendirý nómirin engizý jetkilikti. Budan bólek, Telegram jelisindegi @almaty_referendum2026_bot chat-boty da osy qyzmetti usynady.
Astana qalasynda daýys berý ýchaskesi týraly aqparat referendum.astana.kz saıtynda qoljetimdi. Sonymen qatar referendum_astana_bot Telegram-boty men 109 nómiri arqyly jumys isteıtin iKomek biryńǵaı baılanys ortalyǵy arqyly da qajetti málimet alýǵa bolady.
Respýblıkalyq referendým 15 naýryzda ótedi. Azamattar elimizdiń kez kelgen óńirinde daýys berý quqyǵyn paıdalana alady. Ol úshin aldyn ala arnaıy tirkeýden ótip, tıisti qujat rásimdeýi qajet.
Prezıdent Ortalyq referendým komıssııasynyń tóraǵasyn qabyldady
Uıymdastyrýshylardyń aıtýynsha, aqparattyq arnalardyń iske qosylýy turǵyndardyń daýys berý úderisine yńǵaıly ári kedergisiz qatysýyna jaǵdaı jasaýǵa baǵyttalǵan.
