Qazaqstandyq standarttaý jáne metrologııa ınstıtýty bergen sertıfıkat joǵary deńgeıde moıyndalǵan. Bul elimizdiń halal sertıfıkattaý júıesi úshin mańyzdy qadam bolyp, eksport múmkindikterin keńeıtti.
«QazStandart» búginde Saudi Food and Drug Authority janyndaǵy Saudi Halal Center-de akkredıttelgen Qazaqstandaǵy jalǵyz ulttyq organ. Atalǵan qurylymdar Saýd Arabııasy naryǵyna ónimderdi kirgizýge ruqsat berip, olardyń sharıǵat talaptary men halyqaralyq standarttarǵa sáıkestigin rastaıdy. Mundaı moıyndaýsyz halal ónimdi eksporttaý múmkin emes. Endi Qazaqstan sertıfıkattary resmı túrde tanylatyn elderdiń qataryna kirdi», delingen habarlamada.
Instıtýt málimetinshe, ónimdi ilgeriletýge Qazaqstannyń agroóndirýshileri men eksporttaýshylary qaýymdastyǵy qoldaý kórsetti. Uıym halyqaralyq baılanystardy damytyp, BAÁ, Saýd Arabııasy jáne О́zbekstandaǵy saýda ókildikteri arqyly jumys isteıdi.
Saýd Arabııasy halal ónimderine qoıylatyn talaptary joǵary naryqtardyń biri sanalady jáne Parsy shyǵanaǵy elderine shyǵýǵa jol ashady. Bul naryqqa shyǵý qazaqstandyq kompanııalar úshin jetkizý geografııasyn keńeıtýge, sheteldik seriktesterdiń senimin arttyrýǵa jáne eldiń halal ónim jetkizýshi retindegi pozısııasyn nyǵaıtýǵa múmkindik beredi.
Almaty aporty eksportqa daıyndalyp jatyr: QazTrade pen óndirýshiler memorandýmǵa qol qoıdy
«QazStandart» ókilderi bul jetistik memleket, salalyq ınstıtýttar men bıznestiń júıeli jumysynyń nátıjesi ekenin atap ótti.
