Sport • Búgin, 14:33

Jeńil atletıka federasııasy men Qazaq ulttyq sport ýnıversıteti memorandým jasasty

20 ret

kórsetildi

1 mın

oqý úshin

Qazaqstan Jeńil atletıka federasııasy men Qazaq ulttyq sport ýnıversıteti ózara yntymaqtastyq týraly Memorandým qabyldady, dep habarlaıdy Egemen.kz federasııanyń baspasóz qyzmetine silteme jasap.

Aıana TOǴANBEK

Jeńil atletıka federasııasy men Qazaq ulttyq sport ýnıversıteti memorandým jasasty

Foto: Qazaqstan jeńil atletıka federasııasy

Qos tarap ókilderi – Jeńil atletıka federasııasynyń Bas hatshysy Kelbet Nurǵazına men Qazaq ulttyq sport ýnıversıtetiniń rektory Tursynzada Qýanǵalıeva mańyzdy qujatqa qol qoıyp, eki ujym arasyndaǵy yntymaqtastyqty bekite tústi.

Memorandým aıasynda jeńil atletıkadan Qazaqstannyń jazǵy chempıonattary ulttyq sport ýnıversıtetiniń bazasynda ótkiziletin bolyp sheshildi. Sondaı-aq, jeńil atletıkadan ulttyq qurama sportshylarynyń jattyǵý jıyndaryn oqý ornynyń bazasynda uıymdastyrý máselesi oń sheshim tapty.

Aldaǵy ýaqytta Qazaq ulttyq sport ýnıversıtetiniń qabyrǵasynda halyqaralyq jarystardy ótkizý múmkindigi de qarastyrylady.

Eki ujym arasyndaǵy yntymaqtastyq jalpy alǵanda otandyq jeńil atletıkany damytýǵa, joǵary nátıjeli sportshylardy daıyndaýǵa jáne mamandardyń biliktigin arttyrýǵa baǵyttalǵan.

Memorandým aıasyndaǵy alǵashqy jarystar 2026 jyldyń maýsym aıynan bastap ótkiziledi.