Foto: ShQO ákimdigi
Zýbovsk kenti – turǵyndardyń mas kúıde jasaǵan quqyq buzýshylyqtar sany boıynsha kósh bastap tur.
«Qylmystardyń kópshiligi alkogoldiń áserinen jasalady. Mas kúıinde adamdar óz-ózin baqylaýdan aıyrylady, agressııa paıda bolady, bul jıi quqyq buzýshylyqtarǵa ákeledi. Aldyn alý jumystaryna qaramastan, zańsyz saýda faktileri, onyń ishinde lısenzııasyz, tipti aýlalardan satý jaǵdaılary áli de bar. Belgilenbegen ýaqytta satý boıynsha 24 quqyq buzýshylyq jáne lısenzııasyz satý boıynsha taǵy 24 jaǵdaı anyqtaldy», dedi Altaı aýdandyq polısııa bóliminiń bastyǵy Denıs Erımbesov.
Altaı aýdany oblysta alkogol tutyný deńgeıi boıynsha qolaısyz óńirlerdiń biri sanalady. Al Zýbovsk aýyldyq eldi mekender arasynda beıresmı túrde eń «ishimdikke beıim» bolyp esepteledi.
Sonymen qatar oń mysaldar da bar. Ermakovka aýyly 2025 jyldyń basynda alkogolden resmı túrde bas tartyp, «ishimdiksiz aýyl» mártebesin saqtap keledi. Bir jyl ishinde munda birde-bir quqyq buzýshylyq tirkelmegen.
2026 jyly «ishimdiksiz aýyl» jobasyna taǵy bir eldi meken – 74 turǵyny bar Seleznıovka stansııasy qosyldy.
Amangeldi aýyly 15 jyldan beri ishimdiksiz ómir saltyn ustanyp keledi
Polısııanyń málimetinshe, alkogoldi shamadan tys tutynatyn adamdarmen jumys turaqty túrde júrgiziledi. Mundaı azamattar ýaqytsha beıimdeý ortalyǵyna jetkizilip, medısınalyq tekserýden ótedi. 2025 jyly bul mekemeden úsh myńnan astam adam ótken. Al 16 turǵyn sot sheshimimen májbúrli túrde emdelýge jiberilgen.
Soltústik Qazaqstan oblysynda taǵy bir aýyl ishimdikten bas tartty
