Foto: pixabay.com
Sınoptıkterdiń málimetinshe, elimizdiń basym bóliginde jańbyr jaýyp, keı jerlerde naızaǵaı oınaıdy.
Qazaqstan aýmaǵy boıynsha jel kúsheıedi. Túngi jáne tańǵy ýaqytta tuman túsedi, al kúndiz keı óńirlerde burshaq pen daýyl bolýy múmkin.
«Sıklondar men antısıklondardyń ótýine baılanysty aýa raıy jaǵdaıynyń nasharlaýy kútiledi, onyń ishinde jaýyn-shashyn, jeldiń kúsheıýi jáne soǵan baılanysty qaýipti qubylystar baıqalady», delingen habarlamada.
Eldiń batysynda aýa temperatýrasy +15...+25 gradýstan +10...+20 gradýsqa deıin tómendeıdi. Soltústikte +11...+20 gradýstan +15...+20 gradýsqa deıin kóteriledi.
Shyǵysta aýa temperatýrasy +15...+23 gradýstan +20...+28 gradýsqa deıin aýytqıdy. Qalǵan óńirlerde aıtarlyqtaı ózgeris kútilmeıdi.
Astanada aýyspaly bultty, keı ýaqytta jańbyr jaýyp, kúndiz naızaǵaı bolady. Soltústik-batystan soqqan jeldiń jyldamdyǵy 9–14 m/s, keıde 15–20 m/s-qa deıin kúsheıedi. Aýa temperatýrasy túnde +5...+7°S, kúndiz +12...+14°S.
Almatyda aýyspaly bultty, jaýyn-shashynsyz. Batystan soqqan jel 3–8 m/s, kúndiz ekpini 13 m/s-qa jetedi. Aýa temperatýrasy túnde +13...+15°S, kúndiz +23...+25°S.
Shymkentte aýyspaly bultty, keı ýaqytta jańbyr jaýyp, naızaǵaı bolady. Ońtústik-shyǵystan soqqan jel 8–13 m/s, ekpini 15–20 m/s-qa deıin jetedi. Aýa temperatýrasy túnde +10...+12°S, kúndiz +20...+22°S.
