Abaı oblysy aýmaǵynda sý basý qaýpi bar ýchaskeler men gıdrotehnıkalyq qurylystarǵa aerovızýaldy tekserý júrgizildi. Oblys ákiminiń orynbasary Serik Tólenbergenov jetekshilik etken jumys toby Tótenshe jaǵdaılar departamenti, Ertis basseındik sý ınspeksııasy jáne «Qazgıdromet» ókilderimen birlesip Ertis pen Oba ózenderiniń arnalaryn, qar qoryn jáne sý sharýashylyǵy nysandarynyń jaı-kúıin baǵalady. Tekserý nátıjesinde gıdrologııalyq ahýal turaqty ekeni, Shúlbi GES shtattyq rejımde jumys istep turǵany anyqtaldy. Sonymen birge sý tasqyny kezeńinde barlyq qyzmettiń úılesimdi áreket etýi úshin qosymsha aldyn alý sharalary belgilendi.
Prezıdent sý tasqyny men qurǵaqshylyq qaýpine aldyn ala daıyndalýdy tapsyrdy
Aqmola oblysynda 15 aqpan men 15 naýryz aralyǵynda ótip jatqan sý tasqynyna qarsy is-sharalar aılyǵy aıasynda Kókshetaý qalasynda senbilik uıymdastyryldy. Oǵan TJD qyzmetkerleri, Málik Ǵabdýllın atyndaǵy Azamattyq qorǵaý akademııasynyń kýrsanttary jáne volonterler qatysty. Olar zeınetkerler men múmkindigi shekteýli azamattar turatyn úılerdiń aýlalaryn qardan tazalap, ınertti materıal salynǵan qaptardy daıyndaýǵa kómektesti. Jalpy 60 zeınetkerge, 30 kópbalaly otbasyǵa jáne 57 jalǵyz turatyn azamatqa qoldaý kórsetildi. 403 aýla tazartylyp, 1138 adam qamtyldy, qaýipsizdik boıynsha 583 usynym taratyldy. Qys bastalǵaly jergilikti atqarýshy organdar 979 myń tekshe metr qar shyǵaryp, 225 400 qap ınertti materıal daıyndaǵan.
Shyǵys Qazaqstan oblysynda sý qoımalaryn turaqty baqylaý jalǵasyp jatyr. О́ńirde 258 myń tekshe metrden astam qar shyǵaryldy. Sý tasqyny qaýpine jedel áreket etý úshin 3677 adamnan turatyn jeke quram, 234 motopompa, 75 júzý quraly jáne 500-den astam tehnıka ázirlikke keltirildi. Budan bólek, 58,7 myń qap, 9957 tonna ınertti materıal jáne 386 tonna janar-jaǵarmaı qory daıyndaldy. О́ńirlik TJD turǵyndardy kóktemgi kezeńge aldyn ala qamdanýǵa, aýla men aryqtardy qar men muzdan tazartýǵa shaqyrady.
Jetisý oblysynda sý tasqynynyń aldyn alý maqsatynda ınjenerlik jumystar keshendi túrde júrgizilip jatyr. 2025 jylǵa josparlanǵan 26 jobanyń 24-i oryndaldy. Nátıjesinde 3 shaqyrym qorǵanysh bóget salyndy jáne jóndeldi, 14,8 shaqyrym sý aǵyzý arnalary qazyldy, 11 shaqyrym ózen arnalary tazartyldy, 13 shaqyrym aýmaqta arnany tereńdetý men jaǵalaýdy bekitý jumystary atqaryldy. О́ńirdegi gıdrologııalyq jaǵdaı turaqty, sý deńgeıi ortasha kópjyldyq kórsetkishterge saı, muz keptelisteri tirkelmegen. Qaýiptiń aldyn alý úshin 2965 adam, 534 tehnıka, 193 motopompa jáne 27 júzý quraly daıyn tur. Sonymen qatar 130 myń qap, 5,5 myń tonna ınertti materıal, 82 tonna janar-jaǵarmaı jáne 235 evakýasııalyq pýnkt ázirlendi.
Jalpy óńirlerde qabyldanyp jatqan bul sharalar kóktemgi sý tasqyny kezeńinde turǵyndardyń qaýipsizdigin qamtamasyz etip, gıdrologııalyq ahýaldy turaqty ustaýǵa baǵyttalǵan.
