Zaýyt qyzmetkerleriniń kásibı biliktiligin arttyrý maqsatynda halyqaralyq tájirıbe tartylǵan. Jergilikti mamandar sheteldik óndiris alańdarynda arnaıy oqýdan ótip, burandaly qosylystardy kesý, Dopeless «maısyz» jabyndysyn jaǵý sııaqty joǵary tehnologııalyq operasııalardy meńgerdi. Bul tájirıbe qazir Aqtaýda tolyq kólemde qoldanylyp, óndiristik jáne basqarýshylyq prosesterdi jergilikti mamandar júzege asyra bastady.
Qazirgi tańda zaýytta negizinen Mańǵystaý óńiriniń turǵyndary eńbek etedi. Bul joba halyqaralyq ınvestorlardyń tek óndiris ornyn ashýdy ǵana emes, jergilikti kadrlardyń kásibı deńgeıin jetildirýdi de basty maqsatqa alǵanyn kórsetedi.
«Aqtaý teńiz portyna» 25 mlrd teńgeden astam ınvestısııa tartyldy
Zaýyt munaı-gaz salasyna arnalǵan premıým sanattaǵy qubyr ónimderin óńdeıdi. О́nim dıametri 114-ten 350 mm-ge deıingi qubyrlardy qamtıdy, al jyldyq óndiristik qýaty 40 myń tonnaǵa jetedi. О́ńdeletin qubyrlardyń basym bóligi kúkirtsýtegine tózimdi joǵary tehnologııalyq bolattan jasalǵan. Zamanaýı Dopeless tehnologııasy óndiris tıimdiligin arttyryp, ekologııalyq qaýipsizdikti qamtamasyz etedi.
Atalǵan joba óńir ekonomıkasyn ártaraptandyrýǵa, jańa jumys oryndaryn ashýǵa jáne halyqaralyq deńgeıdegi óndiristik mádenıetti qalyptastyrýǵa baǵyttalǵan.
Mańǵystaý atom energetıkalyq kombınatynyń ujymy jańa Konstıtýsııany qoldady
