Týrıster úshin tıimdi

Katonqaraǵaı aý­da­nynyń ákimi Ah­­metqalı Nurǵo­jın jaqynda aq­parat quraldary ókilderi­men kez­de­sip, aý­dan­daǵy týrızm já­­ne sporttyń damýy jaıly aıtyp berdi. – Oblysta tý­rızmdi damy­tý jó­ninen bizdiń aýdan kósh basynda ke­ledi, – dedi aýdan bas­shysy. – «Rah­man qaınary», «Nur-bulaq» shıpa­jaılarynyń ata­ǵy alysqa ketken. Bul jerde jazda oryn tabý ońaı sharýa emes. Sebebi, adam aǵzasyna óte paıdaly pantymen emdelýge suranys úlken. Sondaı-aq, burynǵy aýdan ortalyǵynda «Baıan» shıpajaıy qysy-jazy kelýshilerge sapaly qyzmet kór­­setedi. Oǵan qosa, pantymen emdeıtin 11 saýyqtyrý oryndary, birneshe qonaqúıler shet jaqtan kelgenderge qyzmet kórsetedi. Bıyl Belqaraǵaı aýy­lynyń tusynda 30 oryndyq onnan astam qonaqúı salý bastalmaq. Bul jerde 200 oryndyq meıramhana, 30 oryndyq dámhana salý oıda bar. Jeke kásipker Asqar Ýálhanov bul maqsatqa 500 mıllıon teńge jumsamaq. О́rel aýylynda bes qonaqúı paıdalanýǵa beriledi. Budan birneshe jyl buryn elimizde birinshi bolyp paıdalanýǵa berilgen «Jas týrıst beketi» mektep oqýshylarynyń týǵan ólkeniń tabıǵatyn qorǵap, týrızmdi nasıhattaýda baǵytty da baǵdarly jumystardy atqarýda. Aýdan ákiminiń aıtýynsha, tabıǵaty kórikti Buqtyrma sý qoımasynyń jaǵalaýynda 40 oryndyq demalys kesheni boı kótermek. Týrızmdi damytý maq­satynda sheteldik ınves­tor­larmen keli­sim­shart jasalýda. Atap aıt­­qanda, Ka­ton­qa­raǵaı buǵy sha­­rýa­shylyǵynyń bas­­shysy Nur­lan Toqtarov Qy­taıdyń Shyń­jan-uıǵyr avtonomııaly aýdanynyń isker azamattarymen birlesip Katonqaraǵaı aýylynda panty ónimderin óńdeıtin jáne et ónimderin ázirleıtin seh salýdy uıǵardy. Olardyń ár­qaısysynyń quny tıisinshe 210-280 mıllıon teńge. Demek, qosymsha ondaǵan jumys oryndary ashylmaq. Sonymen birge, kórshi el men aýdandyq ákimdik arasynda týrızmdi órkendetýge arnalǵan memorandýmǵa qol qoıyldy. Aýdanda maral jáne omarta sharýashylyǵy órkendep keledi. Qazirgi kezde maral sharýa­shy­lyǵymen 11 qojalyq aınalysady, maral men teńbil buǵynyń sany 6 myńdy quraıdy. Dámi til úıiretin, shıpaly Katon­nyń qymyzyn sonaý Almaty men Astanadan al­ǵyzyp paıdalanatyndar sany kúrt ósken. Ta­­ýarly sút fermasyn qurýda da alǵa basý bar. Aýdanda bala­baqshalarmen qamtamasyz etý 100 paıyz she­­shi­min tap­qan. Munda sportpen shu­ǵyl­­danamyz deýshilerge barlyq jaǵ­daı ja­salǵan. 150 sport nysany, onyń ekeýi iri sport kesheni, 37 sport zaly, 19 hokkeı qoraptary, 49 sport alańdary, 38 fýtbol alańy, eki basseın, shańǵy bazalary aýdan turǵyndarynyń jıi jınalatyn mekeni. Aqsý aýylynda quny 85 mıllıon teńge turatyn sport keshenin salý josparda tur. Mektepterdegi 2700 oqýshy sporttyq kıimdermen qamtamasyz etilgen. Amanshylyq bolsa, bıyl Q.Damıtov atyndaǵy orta mektepte sport synyby ashylyp, onda 20 bala shańǵy sportymen myqtap shuǵyldanbaq. Shynynda da, jeti-segiz aı boıy appaq kórpege oranyp alatyn aımaqta qyzyǵy kóp qysqy sportty órkendetýge barlyq jaǵdaı bar. Ońdasyn ELÝBAI, jýrnalıst Shyǵys Qazaqstan oblysy