Pýtın jańa ekonomıkalyq odaq qurýdy usyndy

Reseı prezıdenti Vladımır Pýtın Peterbýrgte ótip jatqan halyqaralyq ekonomıkalyq forým barysynda sóılegen sózinde jańa Eýrazııa ekonomıkalyq odaǵyn qurý jóninde usynys bildirdi. Reseı basshysynyń aıtýynsha, qazirgi Eýrazııa ekonomıkalyq odaǵynyń Reseı bastaǵan músheleri Qytaı, Úndistan, Pákistan, Iran sekildi taǵy birqatar elderdiń qatysýlarymen jańa úlken Eýrazııa áriptestiginiń qurylýyn qalaıdy. Eýrazııa ekonomıkalyq odaǵynyń músheleri, sondaı-aq búginde Reseı tyǵyz qarym-qatynas ornatyp otyrǵan Qytaı, Úndistan, Pákistan, Iran elderi Úlken Eýrazııa áriptestigin osy jazdyń ózinde quryp alýy da ábden múmkin. Vladımır Pýtın sondaı-aq jańa odaqqa TMD boıynsha áriptesterdiń, soǵan qosa basqa da ynta-yqylas bildirgen memleketter men birlestikterdiń qatysyp qalýlary múmkin ekenin sóz etti. Reseı prezıdenti EAEO-men ınvestısııa jáne saýda sekildi ár alýan salalarda áriptes bolýǵa Eýroodaqtyń da múddeli bolyp otyrǵanyn aıtty. Murat Aıtqoja. Mánbe, foto: politonline.ru.