Germanııa syrtqy ister mınıstri NATO jattyǵýyn synǵa aldy

Germanııa syrtqy ister mınıstri Frank-Valter Shtaınmaıer NATO-nyń Baltyq elderi terrıtorııasynda ótkizip jatqan Saber Strike halyqaralyq jattyǵýlaryn synǵa aldy. Nemis memleketi syrtqy vedomstvosynyń basshysy Bild am Sonntag gazetine bergen suhbatynda Batys úshin Reseımen jaqsy qarym-qatynasta bolýdyń máni zor ekenin atap ótti. Reseı Federasııasymen teketireske túskennen góri yntymaqta bolǵannyń bárimiz úshin paıdasy zor, dep sanaıdy ol. «Bizdiń qazirgi tańda jasaýǵa bolmaıtyn tirligimiz – qarý-jaraqty qaıta-qaıta jarqyldatyp, soǵys uranyn dabyldatyp, jaǵdaıdy burynǵydan beter ýshyqtyra túspeý», dedi dıplomat. Ol sonymen qatar alıanstyń shyǵys shekarada «tankiler sherýin» jasaýy qaýipsizdikti kúsheıte túspeıtinin aıtty. Shtaınmaıerdiń atap ótýinshe, qorqytyp-úrkitý saıasatymen qaýipsizdikti qalyptastyrýdyń berik irgetasyn eshkim de jasaı almaıdy. Onyń pikirinshe, Reseıdi mindetti túrde «halyqaralyq áriptestik jaýapkershilikke tartý kerek». Atap óte keteıik, Saber Strike oqý-jattyǵýy qazirgi kúnderi Baltyq jaǵalaýy elderinde ótip jatyr. Oǵan NATO men Soltústik Atlant alıasyna áriptes 13 elden 10 myńǵa jýyq áskerı qyzmetker qatysýda. Murat Aıtqoja. Mánbe, foto: politonline.ru.