Astana kúnine – Almaty syıy

«Nur Otan» partııasy Saıası keńesiniń bıýro múshesi, partııanyń Almaty qalalyq fılıalynyń tóraǵasy jáne qala ákimi Baýyrjan Baıbek Astana kúni qarsańynda qala­­daǵy «Nur Otan» par­tııa­­synyń aýdandyq ǵı­ma­ratynyń ashylý saltana­tyna qatysyp, partııa qata­ryna jańadan qosyl­ǵan aza­mat­tarǵa partııa bılet­terin tapsyrdy. «Nur Otan» partııasynyń bas­ty maqsatynyń biri – aýdandyq fılıaldar qyzmetin halyqtyń erkin paıdalanýyna qol jetkizý men bastaýysh uıymdardyń, sondaı-aq, aýdandardaǵy Qoǵam­dyq qabyldaý qyzmetin el ıgiligi úshin kúsheıte túsý ekendigin aıtqan Baýyrjan Baıbek qala­nyń Bostandyq aýdanynda ashyl­ǵan partııanyń aýdandyq fı­lıa­lynyń jumysyna sáttilik tiledi. – Osy ýaqytqa deıin partııa­nyń 8 aýdandyq fılıalynyń 6-nyń óz ǵımarattary boldy. Mine, búgin ózderińizben 7-ǵı­marattyń ashylýynda bas qosyp turmyz. Endigi kezekte Naýryzbaı aýdanynyń ǵıma­raty salynbaq. Munyń bar­lyǵy almatylyqtardyń múd­desi úshin jasalyp otyr. Turǵyn­dar­ǵa ortalyqqa júgirmeı-aq, jer­gi­lik­ti jerlerde ózderiniń máse­le­lerin sheshe alatyndaı jaǵ­daı tý­ǵyzylýda. Bastaýysh par­tııa uıym­dary men aýdandyq fılıal­dardyń qyzmeti tıimdi bola túsedi degen senimdemiz. Tek birtutas kúshimizdi biriktire otyryp, alǵa qoıǵan maq­sat­tarymyzǵa jete alamyz, – dep atap ótti qala basshysy. Qazirgi kezde aýdandyq fılıal­­dardyń materıaldyq-tehnı­ka­lyq bazalary ny­ǵaıtylýda. Qoǵam­dyq qabyldaý bólmeleriniń alma­tylyqtardy alańdatqan máse­lelerdi jer­gilikti jerde tıimdi sheshýge yq­pal jasarlyqtaı múm­kindigi bar. Tek osy jyldyń bes aıynda ǵana qalalyq jáne aýdan­dyq fılıaldardyń qoǵamdyq qabyl­daýlarynda jergilikti at­qarý organdarynyń ókilderi men máslıhat depýtattary 300-den asa qabyldaý ótkizip, 2,5 myń adam­nyń ótinishterin qaraǵan. Astana kúni qarsańynda partııa qataryna ótýshiler arasynda «2015 jyldyń úzdik me­ıir­bıkesi», №4 qalalyq emhana bas dárigeriniń medbıkeler isi jónindegi orynbasa­ry Ámına Shúkirova, tehnı­ka ǵylymdarynyń doktory, «Al­maty polıgrafııa kol­led­ji­niń» dırektory Bılaldın Ahmetov, «Kúmis alqa» ıegeri, «Ekspress-Konsaltıng» kompa­nııa­synyń dırektory Aqnur Jumabaeva, sha­ǵyn jáne orta bıznes ókili, «Mega Lıs» tıpografııasynyń dırektory Sergeı Lıpınskıı, Halyqaralyq bıznes ýnıver­sıtetiniń áleýmettik damý jónin­degi prorektory Qaıyrjan Meń­diǵalıev, Almaty qalasyndaǵy ózbek etnomádenı birlestiginiń basshysy Abdýhalıl Oralbaev, medısı­na ǵylymdarynyń dok­tory, Pedıa­trııa jáne bala hı­rýrgııa­sy ǵy­lymı ortalyǵynyń dırektory Rıza Boranbaeva bar. – Biz sizderdi «Nur Otan» partııasy qataryna qabyl­daný­laryńyzben shyn júrekten qut­tyqtaımyz. Sizderdiń ómir­lik tájirıbelerińiz ben bilik­ti­lik­terińiz partııaǵa kúsh-qýat qosady dep oılaımyz. Bul rette partııa Tóraǵasy, Elbasy Nursultan Nazarbaev nurotandyqtar aldyna qoıyp otyrǵan mindetterdi júzege asyrýda aýdandyq fı­lıal­­dardyń kúsheıtilýi asa mańyzdy ról atqaratyny aqıqat, – dedi Baýyrjan Baıbek. Qanat ESKENDIR, «Egemen Qazaqstan» ALMATY