Uıymmen yqpaldastyqtyń utymdy kórinisi

Qazaqstannyń par­la­menttik delegasııasy Eýro­padaǵy qaýipsizdik jáne yntymaqtastyq uıy­­my Parlamenttik As­sam­bleıasynyń Tbı­lı­sıdegi sessııasyna qatys­ty. EQYU keńistigindegi qaýip­sizdik, ekonomıkalyq ynty­maq­tastyqtyń baǵyttary, adam qu­qyqtary salasyndaǵy ózekti má­seleler men qaterler, sondaı-aq, jahandyq kóshi-qon daǵda­rystaryn talqylaýǵa arnal­ǵan sessııaǵa barǵan Qazaq­stan delegasııasynyń qu­ra­mynda senatorlar Ik­ram Adyr­bekov, Lázzat Qıy­nov, Dýlat Qusdáýletov, Mı­haıl Bort­nık, sondaı-aq, Máji­lis de­pýtattary Qýanysh Sul­tanov, Svetlana Bychkova jáne Jambyl Ahmetbekov boldy. Senattyń Halyqaralyq qatynastar, qorǵanys jáne qaýip­sizdik komıtetiniń tór­aǵasy Ikram Adyrbekov EQYU PA Saıası máseleler jáne qaýip­sizdik jónindegi jalpy ko­mıtetiniń otyrysynda sóz sóıledi. Senatordyń pikirin­she, Taıaý Shyǵysta jáne Ońtús­tik Jerorta teńizindegi janjal­dardyń shıelenisýi, «DAISh» terrorıstik uıymynyń búgin­gi qanquıly áreketteri jaǵ­daıynda qaýipsizdik salasyn­daǵy yntymaqtastyq erekshe mańyzdy. Depýtat BUU aıasynda bar­lyq memleketter úshin birdeı erejeler men qaǵıdattar boıynsha áreket etetin, terrorızm men ekstremızmge qarsy halyqaralyq is-qımyldyń biregeı álemdik jelisin qurý týraly Qazaqstan Prezıdenti Nursultan Nazarbaevtyń bas­tamasyn eske saldy. Ter­rorızmmen jappaı kúres jó­nindegi BUU-nyń qujaty usy­nylyp otyrǵan halyqaralyq tetiktiń zańdy negizi bola alady, dep atap ótti senator. I.Adyrbekov qaty­sý­shylardy bıylǵy 31 mamyr­da Astanada ótken, túrli halyq­aralyq uıymdar men kóp­tegen elderdiń depýtat­tary jáne sarapshylar qatys­qan «Dinder – terrorızmge qar­sy» halyqaralyq kon­feren­sııasynyń qorytyn­dy­larymen tanystyrdy. «Biz EQYU Par­lamenttik Assam­bleıa­sy­nyń Bas hatshysy Roberto Mon­telloǵa, EQYU PA vıse-pre­zı­denti Krıstın Mýt­tonen­ge, Alan Nerıge, Gılı Sere­telıge, sondaı-aq, bizdiń árip­tes­terge osy forýmǵa belsendi qatys­qany jáne syndarly sózderi men usynystary úshin alǵys aıtamyz», dedi I.Adyrbekov. «Helsınkı Qorytyndy aktisinde jáne Parıj hartııa­synda bekitilgen qaǵıdalar eýropalyq qaýipsizdiktiń ortaq júıesiniń negizi bolyp tabylady. Eger de qandaı da bir kúmán bolsa, biz 2010 jylǵy – bar-joǵy bes jyl burynǵy Astana Sammıtiniń deklarasııasyn eske alýǵa tıispiz. Bizdiń memleketterimiz ben úkimetterimiz basshylarynyń Asta­nadaǵy konsensýsy ne­gi­zinde kelisilgen, Eýro­atlantıkalyq jáne Eýrazııalyq qaýipsizdik qoǵamdastyǵynyń uıǵarymdaryn iske asyrý baǵytyndaǵy jumystar bizdiń ortaq joǵary basymdyǵymyz bo­lýy tıis», delingen málim­demede. Senator, sondaı-aq, jınal­ǵandardy 28 maýsymda Qa­zaqstannyń 2017-2018 jyl­darǵa BUU Qaýipsizdik Keńe­siniń turaqty emes múshesi bolyp basym daýyspen saılan­ǵany týraly habardar etti. «Bizge 138 el daýys ber­di, osyndaı joǵary senim bil­dir­genderge bizdiń alǵysymyz sheksiz. Bizdiń elimiz halyq­ara­lyq qoǵamdastyqtaǵy ózekti máselelerdi talqylaýǵa jáne sheshýge belsendi qatysý úshin bar kúshin salady», delingen Qazaqstan delegasııasynyń sózinde. Qazaqstan delegasııasynyń sózinde, sondaı-aq, EQYU PA jáne DIAQB saılaýdy baı­qaý jónindegi mıssııalaryna alǵys aıtyldy jáne elimiz qa­byldaǵan halyqaralyq min­dettemelerge sáıkes saılaý zańnamasyn jetildirý úde­ris­teri jalǵasa beretini atap kórsetildi. «Egemen-aqparat»