Konferensııa ótti

Táýelsizdik saraıynda «Nur Otan» partııasy Tóraǵasynyń birinshi orynbasary Muhtar Qul-Muhammedtiń jetekshiligimen partııanyń kezekten tys konferensııasy ótip, kún tártibinde Astana qalalyq fılıaly tóraǵasyn taǵaıyndaý men Saıası keńes quramyna ózgerister engizý týraly eki másele talqylandy.  «Nur Otan» partııasy Astana qalalyq fılıaly kezekten tys HHIII qalalyq konferensııasynyń qaýlysy men Qoǵamdyq birlestik jarǵysynyń 9,6 tarmaǵyna sáıkes, Ádilbek Jaqsybekov basqa qyzmetke aýysýyna baılanys­ty tóraǵalyq qyzmetten bosatyldy. Sondaı-aq, osy qaýly negizinde Astana qalasynyń ákimi Áset Isekeshev partııanyń qalalyq fılıaly tóraǵasy bolyp taǵaıyndaldy. Konferensııada elordamyz – Astana qalasynyń búginde Qazaqstannyń negizgi óndiristik ortalyqtarynyń biri retinde qalyptasyp, damý qarqyny men dotasııalyq qaladan respýblıkalyq bıýdjettiń nárlendirýshi-aımaǵyna aınalǵany týraly aıtyldy. Osy rette sóz alǵan jıyn jetekshisi M.Qul-Muhammed:  «Memleket basshysy Nursultan Nazarbaev Astanany damytýdyń basym baǵyty retinde ınnovasııalyq salany kórsetip berdi. Ol jańa ekonomıkalyq modeldi qurýǵa múmkindik beretin bizdiń bas­ty strategııalyq maqsatymyz bolyp tabylady. Sonymen qatar, bul qadam elimizdi álemniń eń damyǵan 30 eliniń qataryna qosýdy qamtamasyz etedi. EKSPO-2017 halyqaralyq kórmesi qarsańynda bul másele ózektiligin joımaq emes. Sondyqtan «Nur Otan» partııasy Elbasy tapsyrmalarynyń oryndalý sapasyn qatań baqylaýmen qamtamasyz etýi tıis», – dedi. Basqosýdyń kún tártibine shyǵarylǵan ekinshi másele qalalyq fılıaldyń Saıası keńes quramyna ózgerister engizý jaıy bolatyn. Daýysqa salý nátıjesinde, konferensııaǵa qatysýshylar usynylǵan kandıdatýrany qoldap, Saıası keńes quramyna ózgerister engizý bastamasyn biraýyzdan maquldady. Bul jóninde arnaıy baıandama ja­saǵan «Nur Otan» partııasy Astana qa­lalyq fılıaly uıymdastyrý-ba­qy­laý jumystary bóliminiń meń­ge­rýshisi  Nural Aıdashev Saltanat Faı­zol­laqyzyn, Qaırat Keńesbekulyn, Erden Erlanulyn, Meırambaı Oralov pen Bekbol Úbaıdollaulyn, Gúlnar Erejeqyzyn Saıası keńes quramynan shyǵarýdy, al Áset Isekeshev pen Vla­dıslav Sergeevti, Gaıdar Qabdol­lauly men Janat Ǵazızulyn jáne Saıat Nurlanulyn Keńes quramyna qa­byldaýdy usynatyndyǵyn bildirdi. Sóı­tip, qatysýshy 192 delegattyń bar­lyǵy da Saıası keńestiń jańa quramyna biraýyzdan qoldaý bildirdi. Osyndaı resmı taǵaıyndaýlardan keıin sóz alǵan spıkerler Astana Táýelsizdik mereıiniń jarqyn kelbeti ekenine erekshe toqtalyp, partııa je­tekshileriniń aldyndaǵy mańyzdy min­detterdi naqtylaı tústi. Bul rette aldymen sóılegen Áset О́rentaıuly bildirilgen senim údesinen shyǵýǵa kúsh-jigerin aıamaıtyndyǵyn jetkizdi. «Shaharda bilim jáne medısınalyq klasterler, lokomotıv qurastyrý jáne vagon qurylysy keshenderi, sondaı-aq, Ortalyq Azııa men Sibirdegi iri jańa kólik-logıstıkalyq ortalyǵy quryldy. Endigi jerde osy kezge deıin atqarylǵan sharýalardyń shashaýyn shyǵarmaı, ilip áketip jalǵastyrý, bizdiń basty mindetimiz bolmaq», dedi qala ákimi. Sonymen qatar, Nural Aıdashev jas­tarmen jumys júrgizýdiń baǵyt baǵ­darynan kópshilikti habardar etti. Partııa Tóraǵasynyń birinshi orynbasary jıynǵa qatysýshylarǵa «100 naqty qadam» Ult Jospary men «Nurly Jol» baǵdarlamasyn 100 paıyz júzege asyrý kerektigin aıtty. Bul sala boıynsha partııaǵa mańyzdy revızııalyq fýnksııa berilgenin eske alyp, «Nur Otan» partııasynyń Astana qalalyq fılıaly Áset Isekeshevtiń tóraǵalyǵymen Prezıdent tapsyrmalaryn tıimdi oryndaıtyndyǵyna senim artty. Nurlybek DOSYBAI, «Egemen Qazaqstan»