«Baǵalaı bilgenge baq qonady» degen osy!

Búkil Qazaqstan úshin erekshe tarıhı bıikke shyqqan qýanyshy­myzdy qashan, qalaı aıtsaq ta jarasady. Qazaqstan Respýblıkasynyń Azııa toby memleketteriniń atynan Bi­rik­ken Ulttar Uıymynyń Qaýip­sizdik Keńesiniń 2017-2018 jyldarda turaqty emes mú­shesi bolyp saılanýy – árbir qazaq­standyq úshin mereı. Endigi aldaǵy eki jyl bo­ıyn­da bizdiń elimiz Búkil­álem­dik min­beden beıbit­shi­liktiń saltanat qurýy jolyn­da óziniń júr­gizip te, júzege asyryp ta kele jat­qan beı­bit­súıgish sózimen beıbit­shi­liktiń saltanat qurýyna óz úlesin qosý múmkindigine ıe boldy. Árıne, bul jerde bizdiń eli­mizdiń osynaý uly mıs­sııa­synyń izgi­likti mazmuny ár­bir elim degen kózi qaraqty azamat úshin aıan is. Sondyqtan mem­le­kettik deńgeıdegi bul orasan zor saıa­­sı tabysymyz ha­lyqtyq sıpat alyp, árbir otan­­­da­sy­myzdyń el­jan­­d­ylyq rýhy­nyń ny­ǵaıyp, be­kı túsýi­ne jańa ser­pin bere­tinin ba­sa aıtqym kele­di. «Baǵa­laı bilgenge baq qo­nady» degen osy! Bar­sha álem bizdiń elimiz­diń beıbit­súıgish saıa­sa­tynyń jemisteri men jeńisterin joǵary baǵalap, as­qaraly már­te­bege kóterip otyr­ǵanda, sol márte­beniń ıesi retindegi árbir azama­ty­myz­dyń maqtanysh seziminde shek bar ma? О́zim jas urpaq tárbıesi sa­la­synyń qyzmetkeri bol­ǵa­n­­dyqtan, men úshin bul – aıryqsha qýanysh. Mektep árbir shákirttiń tul­ǵalyq múddesin mem­lekettik, halyq­tyq múd­demen úı­les­tirip, birtutas mem­­leketshil azamat baýlýǵa ba­ǵyt ustanady. Osy oraı­­da, Qazaqstan Res­­pýb­lı­ka­synyń bul tarıhı asýy – otan­shyl­dyq tárbıe úshin asa ózektilikti qazynaly bereke. Ol arqyly Otan úshin maqtanysh, el úshin maqtanysh árbir jastyń júregine eselep uıalaıtyn bolady. Elimiz óz táýelsizdigine qol jet­kizgen sátten bastap óziniń beı­bit­súıgish jolynan taımaı ór­kendep keledi. Basqa izgilikti ister­di aıtpaǵannyń ózinde, jer júzin tórt márte qurtyp jiberýge jete­tin Semeı synaq polıgonyn joıyp, ıadrolyq qarýdan bir­jola bas tartý, búkil álemde ıadro­lyq qarýsyzdanýdy júzege asyrý jolyndaǵy qozǵalysqa úzdik­siz ún qosý, elimizdegi saıası tu­raq­tylyqtyń negizgi tetigi bolyp otyrǵan Qazaqstan halqy As­­sambleıasynyń ıgi­likti ju­mysyn qam­tamasyz etý sııaq­ty irgeli-irgeli is­terimizdiń birden-bir durys sara jol ekenine kózimiz taǵy da jetip otyr. Búgingi jeńisimiz osy nur­ly jolymyzdyń odan da ta­bysty, odan da nátıjeli bo­lýy­na kúshti serpin beretini qýantady. Osynaý uly isterdiń josparlaýshysy, bastamashysy Elbasy, Qazaqstan Prezıdenti Nursultan Ábish­uly Nazarbaev úshin rızashy­lyǵymyz sheksiz. Halqymyz tynyshtyqta emin-erkin sapaly ómir súrý úshin eńbekterińiz osylaı muratty bola bersin deımiz. Aıagúl MIRAZOVA, Qazaqstannyń Eńbek Eri ALMATY