Atyraý oblystyq sporttyq jáne dástúrli karate federasııasynyń málimetine súıensek, 45-54 jastaǵy ardagerler arasyndaǵy doda shotokan karateniń «Shobý Ipon» baǵdarlamasymen ótken.
«Álem chempıonaty 22-26 sáýirde Ystambul qalasynda ótti. Bul saıysta Atyraý sportshysy Marat Mýrzıev úsh jekpe-jek ótkizdi. Alǵashqy kezdesýde Anglııa eliniń ókilin 2:0 esebimen jeńdi. Keıin Túrkııa sportshysyn utty. Fınalda Kot-d’Ivýar elinen qatysqan qarsylasyn aıqyn basymdyqpen jeńip, álem chempıony atandy. Bul nátıje – joǵary daıyndyq deńgeıi men sporttyq tájirıbeniń aıqyn dáleli», dep habarlady atalǵan federasııadan.
Marat Mýrzıev eńbek jolyn 2003 jyly Atyraý oblystyq tabıǵat qorǵaý prokýrorynyń kómekshisi qyzmetinen bastaǵan.
Premer-lıga: Italııada karateshi Sofıa Berýlseva altynnan alqa taqty
Keıin Batys Qazaqstan jáne Atyraý oblysynyń ákimdiginde túrli laýazymdy atqardy. 2017 jyly Isataı aýdanynyń ákimi, 2021 jyly Qurmanǵazy aýdanynyń ákimi bolyp taǵaıyndaldy. Al 2023 jylǵy 28 sáýirden beri Atyraý oblysy ákiminiń orynbasary laýazymyn atqaryp keledi.
