Jarqyn jetistik

Qazaqstan BUU Qaýipsizdik Ke­ńe­siniń turaqty emes músheligine saı­lanyp otyr. Uıym­nyń Bas Assam­bleıasynda 138 memlekettiń Qa­zaqstandy qol­dap daýys berýi bul elimiz úshin úl­ken qurmet, halyq­aralyq deńgeıdegi bedeliniń barlyǵy dep túsi­nýimiz kerek. Qazaqstan Respýblıkasy bul bedelge qalaı jetti? Ol – Elbasymyzdyń kemeń­gerlik saıasatynyń arqasy. El Prezıdenti aldymen hal­qymyzdyń qasiretine aınal­ǵan Semeıdegi ıadrolyq sy­naq polıgonyn japty. Sonan soń tórtkúl dúnıege qater tón­dirip, alańdatatyn ıadro­lyq qarýdan bas tartty. Qazaqstan otar­shyl­dyq­tyń, qyrǵyn soǵystyń zaýa­lyn bastan keshken el. Son­dyqtan Elbasy adam bala­syna qasiret ákeletin ister­den aýlaq bolyp, táýelsiz­di­gi­miz­diń tuǵyryn adal eńbek­pen, da­my­ǵan ekonomıka, jaq­sar­ǵan turmyspen bekitýdi qa­lady. Elbasymyzdyń adamzatqa beıbit ómir tileıtin bul bastamasyn BUU-ǵa múshe elderdiń basshylary qoldap, dúnıejúzindegi beıbitshilikti nyǵaıtýǵa, soǵystyń aldyn alýǵa baǵyttalǵan ıgi­lik­ti úles dep joǵary baǵa­lap otyr. Halyqaralyq qaýym­das­tyqty ıadrosyz álem qurý­ǵa, soǵysty boldyrmaýǵa sha­qyrǵan AQSh-taǵy ıadrolyq qaýipsizdik jónindegi sammıtte jarııalanǵan «Álem.HHI ǵasyr» manıfesi BUU-nyń resmı qujatyna aınalǵany da barshaǵa aıan. Bul da El­ba­synyń kóregendigi edi. Birlik – bizdiń basty maq­sa­tymyz. Prezıdentimiz bastap, barlyq qoǵamdyq uıymdar, saıası partııalar, qoǵamdyq ınstıtýttar, jalpy halyq bolyp yn­ty­maǵymyzdy ny­­ǵaıtý jolynda jumyla eńbek et­­pesek, elimizde tu­raqtylyq bolmas edi. Eńbek – bizdiń basty qarýymyz. Táýelsizdik alǵan osy az jyl ishinde elimiz aıtarlyqtaı damyp, kórkeıdi. Eń bas­tysy – elimizde bereke bar, ty­nyshtyq bar. Mundaı elge ın­vestısııa quıýshylar da az bolǵan joq. Bastysy – El­ba­­sy­myz alǵa úlken murat qoıa bildi jáne oǵan jetýge ha­lyq­ty jumyldyryp, er­te­ńi­mizdiń jarqyn bolaryna jurt­shylyqty ılandyra bildi. Alpaýyt elderdiń ózin san­syratqan qarjylyq jáne saıası daǵdarystardan Elba­sy­myzdyń kemeńgerlik saıasa­ty arqasynda halqy túsiný­shilik tanytyp, tabıǵı taban­dylyǵy, tózimdiligi, eńbek­qorlyǵy arqasynda shyǵyp keledi. Osyndaı birlikti, rýhy myqty el ǵana BUU Qaýip­sizdik Keńesiniń qabyl­daǵan she­shimderin, jaýapker­shilik­pen oryndaı alady. Mine, sondyqtan da Qa­zaq­stan BUU Qaýipsizdik Keńe­siniń turaqty emes múshe­ligine saılanyp otyr. Bul bizdiń Elbasy­myzǵa, elimiz­ge kórsetilgen senim, halqy­myz­dyń qomaqty tabysy, jarqyn jetistigi, úlken mártebe dep túsinemin. Batys Qazaqstan obly­synyń Jańaqala aýdany jurt­shylyǵy da  osyndaı uly isterge bastaǵan Prezıden­timizdiń sara saıasatyn qoldap, ony júzege asyrýǵa úlesterin qosa beredi. Rýholla SAMATOV, «Nur Otan» partııasy Jańaqala aýdandyq fılıaly tóraǵasynyń orynbasary Batys Qazaqstan oblysy