Dúnıejúzi moıyndaýynyń taǵy bir dáleli

  Dúbirge toly dúnıeniń jaqsy jańalyǵy kóp bolsa eken dep tileımiz. Al sol jaqsy lebiz óz elimizge qatysty bolǵanda bórkimizdi aspanǵa atqandaı qýanamyz. Qazaqstan Birikken Ulttar Uıymy Qaýipsizdik Keńesiniń turaqty emes múshesi bolyp saılandy. Birikken Ulttar Uıymyna múshe 193 memlekettiń 138-i Qazaqstan úshin daýys berdi. Munyń ózi zańdy qubylys edi. Elbasy Nursultan Nazarbaevtyń syndarly syrtqy saıasatynyń arqasynda dúnıejúzindegi beıbitshilikti jaqtaıtyn memleketter men iri halyqaralyq uıymdar Qazaqstandy tanyp otyr. Endi 2017-2018 jyl­­darǵa Qaýipsizdik Keńesine turaqty emes múshe bolý arqyly Qa­zaqstannyń beı­bit­shilikti saqtaý isine qosar úlesi qomaqty bola túspek. Qazir dú­nıe kúr­deli kezeńdi bas­tan keship otyr. Eko­nomıkalyq, qar­jylyq daǵdarys teńiz tolqyny sekildi qaı­ta­lap soǵyp otyratyn qu­bylys. Halyq­aralyq ekono­mı­kalyq baıla­nystardyń ornyǵýy, elimizdiń ishki qýaty mundaı tyǵyryq­tardan jol tabýǵa múmkindik berip keledi. Biraq, sońǵy kezderi terrorlyq áreketter qaı eldi de sansyratyp otyr. Sodyrlar, terrorshylar el, jer tańdamaıtyn boldy. Olar jasaǵan jarylystardy kún saıyn estıtin boldyq. Qaýiptiń qaıdan bolaryn bilmegen qaı eldiń de beıbit turǵyndary jazyqsyz zardap shegip, mert bolýda. Qazaqstan Birikken Ulttar Uıymy­nyń kún tártibinde turǵan osyndaı ózekti máselelerdi sheshýge atsalysady. Tórtkúl dúnıe, alpaýyt elder men bedeldi halyqaralyq uıymdar Elbasy Nursultan Nazarbaevtyń halyqaralyq turaqtylyqty saqtaý jónindegi usynystaryn joǵary baǵalap keledi. Bıyl Vashıngtonda ótken ıadrolyq qaýipsizdik sammıti aıasynda málimdegen manıfesinde Nursultan Nazarbaev ıadrolyq qaýipti qarýlardyń sodyrlar qolyna túsip qalmaýyn eskertip aıtty. Qazir elderde kún qurǵatpaı bolyp jatqan terrorlyq áreketter kóregen saıa­satkerdiń eskertpesin qulaqqa ilý kerektigin de meńzeıdi. Birikken Ulttar Uıymy Qaýipsizdik Keńesiniń turaqty emes múshesi bolyp saılanǵan Qazaqstan tarapy aldaǵy eki jylda tórtkúl dúnıege «kemedeginiń jany bir» degen qazaq halqynyń danalyǵyn talaı dáleldeıtin bolady. Qalqaman JAQYP, Qazaqstan halqy Assambleıasynyń múshesi, A.Baıtursynov atyndaǵy Qostanaı memlekettik ýnıversıtetiniń professory QOSTANAI