Shattyqqa toly «Shańyraq»

El Táýelsizdigi jyldarynda res­pýblıkamyzdyń qoljetken je­­tis­tikteri men tabystaryna mem­le­ketimizdegi ár otbasynyń qosqan úlesi mol. Halqymyz «Otan – qýat, otbasy – shýaq» dep tegin aıtpaǵan. О́ıtkeni, shaǵyn otbasylardan memleket quralady. Mine, Taraz qalasynyń tórinen ashylǵan «Shańyraq» alleıasy – ár eldiń, ár memlekettiń myzǵymas beriktigi ár otbasynyń myqtylyǵynda ekenin aıǵaqtap turatyny anyq. – Otbasylyq qatynastardy, moraldyq-etıkalyq jáne rýhanı-adamgershilik qundy­lyqtardy ny­ǵaıtýdyń 2015-2020 jyldarǵa ar­nalǵan jalpyulttyq is-sharalar jos­parynda oblystyq, qalalyq el­di mekenderde «Otbasy alleıasyn» qurý tapsyrylǵan bolatyn, – deıdi bul jóninde Taraz qalasy ákiminiń orynbasary Maqsat Ahaev. – Bul – Táýelsizdiktiń 25 jyldyǵy aıasynda jalpyulttyq is-sharalardyń júzege asýynyń kórinisi. Jyl basynan beri Tarazda 1607 otbasy shańyraq kóterip, 5415 sábı dúnıege keldi. Bolashaqta jańadan otaý qurǵan jastar, óskeleń urpaq osy alleıany mádenı jáne rýhanı orynǵa aınaldyratynyna senimim mol. Iá, jas balany otbasymyzda otan­súıgishtikke, óz halqynyń tili men salt-dástúrin qasterleıtin ult­jan­dylyqqa, tarıhy men mádenıetin bilýge úıretkenimiz abzal. Shyndyqty búkpeı aıtýymyz kerek, qazirgi jas­tar Batysqa kóp elikteıdi. Biraq, ár nárseniń óz orny bar, ár halyqtyń erteden kele jatqan ata dástúri, júzdegen jyldar boıy qalyptasqan ulttyq minez-qulqy, mádenıeti bar ekenin esten shyǵarýǵa bolmaıdy. Endeshe, baıyrǵy qundylyǵymyzdan ajyrap qalmaý úshin jáne ár otbasynyń beriktigi úshin osyn-daı ásem alleıanyń ashylyp, kópshilikti izgilik pen qamqorlyqqa shaqyra bilý de ónegeli is ekeni anyq. Oralhan DÁÝIT, «Egemen Qazaqstan» Jambyl oblysy Sýretti túsirgen Altynbek QARTABAI