Lıýks kıiz úı

AQSh-ta buryn-sońdy bolmaǵan qonaqúı ashyldy. Manhetten ortalyǵynda lıýks sanatyndaǵy kıiz úı boı kóterdi.   Atyna sáıkes, mamandar ony Ortalyq Azııa halyqtarynyń dástúri boıynsha daıyndaǵan eken. Kıiz úı qala halqy kóp shoǵyrlanǵan jerde ornalasqan. Dybys ótkizbeıtin qurylǵylar ornatylǵandyqtan, kóshedegi shý kelgen qonaqtarǵa esh kedergi keltirmeıdi. Munymen qosa, dızaınerler kóshpeli halyqtyń turmysyn sezinip bilýi úshin arnaıy alańqaı jasaǵan. Bul jerde kelýshiler ot jaǵyp, kempıng uıymdastyra alady. Jańa stıldegi meıman­hana­nyń ishine shaǵyn dıvan ornalas­tyryp, edenine kórpeler tósepti. Málimetter boıynsha, qonaqúı qa­rasha aıyna deıin jumys is­teıdi. The Daily Mail basylymynyń aqpary boıynsha, joba avtorlary kóshpeliler úıin Kalıfornııada ótken Koachella mýzykalyq festı­valinen kórgen eken. Osydan baryp qonaqúı jasaý týraly oı kelipti. Sonymen qatar, syrtqy pishininiń jumyr bolýyna da basa nazar aýdarǵan bolsa kerek. Sebebi, mundaı bólme adamdardyń bir-birimen erkin áńgimelesýine yńǵaıly ekenin aıtty. Búginde Nıý-Iork turǵyn­darynyń jańa nysanǵa degen qyzyǵýshylyqtary artýda. Bir ret túnep shyǵý quny da arzan emes, 2-3 myń dollardy quraıdy. Bul elıtalyq qonaqúılerden ál­­deqaıda qymbat. Sharyqtap tur­ǵan baǵasyna qaramastan, kelýshiler  qarasy azaıar emes. Aıan ÁBDÝÁLI, «Egemen Qazaqstan»