Astanadaǵy Qazmedıa ortalyǵynda Aqparat jáne kommýnıkasııa mınıstri Dáýren Abaev «Egemen Qazaqstan» respýblıkalyq gazeti AQ-nyń óńirlerdegi menshikti tilshilerimen kezdesý ótkizdi.
Kezdesý barysynda mınıstr jalpy aqparat salasyndaǵy básekelestikti kúsheıtýge, gazet taratý júıesine qatysty oılarymen bólisip, ınternettiń damýymen birge gazetke elıtalyq ról júkteletinine toqtaldy. Sondaı-aq bas basylymnyń menshikti tilshilerin tolǵandyryp júrgen birqatar suraqtarǵa jaýap berdi.
Kezdesý sońynda D.Abaev jýrnalısterge shyǵarmashylyq tabys tiledi.
"Egemen Qazaqstan" tilshileri elimizdiń negizgi telearnalary ornalasqan Qazmedıa ortalyǵynyń ǵımaratyn aralap, telebaǵdarlamalar túsirilimi júzege asyrylatyn stýdııalardyń jumysymen tanysty.
Láıla EDILQYZY
Foto: Erlan OMAROV
