Janarmaı beketterine «Tesla» toqtaıtyn bolady

Janar-jaǵarmaımen júretin kólikterdiń zamany kelmeske ketetin kún jaqyndaǵany týraly áńgimeler sońǵy ýaqytta jıi aıtylyp júrgeni belgili. Tas joldarda júıtkigen elektromobılderdiń kóbeıe bastaǵany bul áńgimeniń negizsiz emestigin ańǵarta túskendeı edi. Keshe Qazaqstan Prezıdenti janyndaǵy Ortalyq kommýnıkasııalar qyzmetinde ótken brıfıngte basty másele osy taqyryp tóńireginde órbidi. Osy brıfıngte aıtylǵandaı, aldaǵy ýaqytta elimizdegi janar-jaǵarmaı beketterinde elektro­mobılderdi qýattandyrýǵa arnal­ǵa bloktar, sonymen qatar kólik­terge gaz quıýǵa arnalǵan stansalar ornatylmaq. Bul týraly «Qazaq­­stannyń munaı óńdeý zaýyty» JShS basqarýshy dırektory Dáýlet Qalıhanov aıtty. Ol úshin aldymen 300 janar-jaǵarmaı beketi bir úlken jelige biriktirilip, bir núkteden basqarýǵa kóshedi. Elektrmobılderge, son­daı-aq, gazben júretin kólikterge osy stansalarda tıisti qyzmet kórsetiletin bolady. – Qazir elektrmobılderge suranys ósip kele jatyr, «Tesla-nyń» tanymaldyǵy art­ty. Biz zaman talabyna saı jumys isteýimiz kerek. Sol úshin respýblıkalyq mańyzy bar tas joldarda janar-jaǵar­maı beket­terin elektrmobılderdi qýat­­tandyratyn bloktarmen, son­daı-aq, gaz stansalarymen jabdyq­taımyz. Bul ekonomıkalyq qana emes, áleýmettik máni bar másele. Sebebi, jobaǵa jergilikti kásip­ker­lerdi, jergilikti jumys kúshin tartamyz, – dedi D.Qalıhanov. «QMО́Z» JShS basqarýshy dırektorynyń orynbasary Amanaı Mahmetovtiń aıtýyn­sha, elektr­mobıl­derdi qýat­tandy­ratyn bloktarmen jabdyqtaý máselesi aldyn-ala jete zerttelgen. – «Tesla» avtokólikteriniń qýaty 150-200 shaqyrymǵa deıin júrý­ge jetedi eken. Onymen júre­tin adam­dar qaladan qashyq jerge shyq­sa, kóligin qýattandyra almaıdy, qýattandyratyn bloktar esh jerde joq. Biz qýattan­dyr­ǵysh blok­tardy elektrmobılder erkin jete alatyn qashyq­tyq­tarǵa ornalastyramyz, – degen A.Mahmetov ol beketterdiń or­na­lasqan jeri týraly keıinirek habar­laıtyndyqtaryn aıtty. Sonymen qatar, «QMО́Z» JShS bir júıege biriktiriletin janar-jaǵar­maı beketteriniń ju­m­ys sapa­syn tekseretin jedel zert­­ha­­na­­lar qurýdy da josparlap otyr. Kompanııa qolǵa alǵan bas­ta­­ma­­laryn júzege asyrý úshin bes jyl ishinde óz qarjysynan jáne ınves­tor­lardyń esebinen 50 mıl­lıon dol­larǵa tarta qarajat quıady. Arnur ASQAROV, «Egemen Qazaqstan»