Áskerılerdiń halyqaralyq oıyndary

Reseıde áskerılerdiń halyq­aralyq oıyndary bas­taldy. Onyń ashylý saltanaty Máskeý oblysynyń «Alabıno» polıgonynda ótti. Oǵan Qazaqstan tarapynan  Qor­ǵanys mınıstri Imanǵalı Tasmaǵambetov qatysty. Qor­ǵanys vedom­stvosynyń bas­shysy elimizdiń Qarýly Kúsh­teriniń namysyn qorǵaıtyn qurama komandamen júzdesip, áskerı qy­zmetshilerge aldaǵy baı­qaýda sáttilik pen jeńis tiledi. Bıylǵy jarysqa Azııa, Eýropa, Afrıka jáne Ońtústik Amerıkanyń 20 memleketinen 120-ǵa jýyq komanda qatysýda. Qazaq­stan áskerıleri 23 baı­qaý­dyń 21 túrinen baq synaıdy. Áskerılerimizdiń qurama komandasynda ushqyshtar, teńizshiler, desantshylar, júrgizýshiler, tankishiler men teńiz jaıaý áskerleri, ınjenerler, dárigerler, aspazshylar, radıasııalyq, hımııalyq jáne bıologııalyq qorǵaý mamandary, kınologtar, súńgýirler, mergender men artıllerııashylar bar. Jarys 13 tamyzǵa deıin jalǵasady. Bıylǵy oıyndar Reseı men Qazaqstannyń 20 áskerı polıgonynda, al teńiz baıqaýlary Baltyq, Qara jáne Kaspıı teńizderiniń sý aıdyndarynda bolady. Osy jarystarǵa                           3 000-nan asa áskerı qyz­metshi qatysady. Armııa halyq­ara­lyq oıyndarynyń «Ar­tıl­lerııalyq oq atý sheberleri» men «Mer­gen shebi» baıqaýy Qazaq­stan Qarýly Kúshteriniń «Gvardeısk» polıgonynyń aýma­ǵynda ót­kiziledi. Bul syndar búgin bastalady. Onda úzdik mer­gender men artıllerııa­shy­lar synǵa túsedi. Dastan KENJALIN, «Egemen Qazaqstan»