Dúbirli dodada elordalyq Nomad Table Tennis Academy shákirtteri oq boıy ozyq shyǵyp, joǵary daıyndyqtaryn pash etti. Akademııanyń tárbıelenýshisi Nurıslam Qasym jekeleı synda qarsylas shaq keltirmeı, Qazaqstan chempıony atandy. Jas daryn sheshýshi sátterde kásibı deńgeıi men temirdeı tózimin dáleldeı bildi.
Jeńis tuǵyrynan akademııanyń taǵy bir shákirti Qadyráli Qabdylýahıtov ta kórindi. Ol jekeleı synda qola júldeni mise tutyp, týrnır boıy turaqty ári senimdi oıyn órnegin kórsetti.
Aıta keteıik, Nomad Table Tennis Academy – Astanadaǵy jas sportshylardy halyqaralyq deńgeıge daıyndaıtyn zamanaýı akademııalardyń biri. Munda álemdik týrnırde tájirbıesi bar kásibı jattyqtyrýshylardyń jetekshiligimen júıeli daıyndyq júrgizilip, sportshylardyń tehnıkalyq, taktıkalyq jáne psıhologııalyq damýyna erekshe kóńil bólinedi. Osy chempıonattaǵy nátıjeler akademııa jumysynyń tıimdiligin taǵy bir márte dáleldedi.
