Forýmnyń hedlaıneri – «MýzART» toby tanymal ánderin oryndap, zaldaǵy ár býyn ókilderin biriktirip, birlik pen patrıottyq rýhqa toly erekshe atmosfera jasady.
Aıta keteıik, is-shara konstıtýsııalyq reformalar, qoǵamdyq damý jáne azamattyq jaýapkershilik máselelerine arnaldy.
Referendým jáne jańa Konstıtýsııa: Halyq kóp jınalatyn oryndarda aqparattyq jumys jandandy
Konstıtýsııalyq reforma jónindegi komıssııasynyń múshesi, Mańǵystaý oblystyq máslıhatynyń tóraǵasy Jańbyrbaı Mataev qatysýshylar aldynda sóz sóılep, Qazaqstannyń bolashaǵy qoǵamnyń belsendi azamattyq ustanymyna jáne jastardyń memleketti damytýdaǵy róline tikeleı baılanysty ekenin atap ótti.
«Jastar – eldiń qozǵaýshy kúshi ári strategııalyq resýrsy. Bolashaqta qýatty, ádiletti ári órkendegen Qazaqstandy qurý – sizderdiń qoldaryńyzda. Konstıtýsııalyq reformalar azamattardyń quqyqtary men múmkindikterin nyǵaıtýǵa baǵyttalǵan, al referendýmǵa qatysý – azamattyq jaýapkershiliktiń mańyzdy kórinisi», dep atap ótti Jańbyrbaı Mataev.
Sondaı-aq Mańǵystaý oblystyq máslıhatynyń depýtaty, Ulttyq quryltaı múshesi Ýaıs Ersaıynuly azamattardyń qoǵamdyq-saıası úderisterge qatysýy men qoǵam birliginiń mańyzdylyǵyn atap ótti.
Is-sharada jastardyń róli erekshe atap ótildi. Aqtaý qalasyndaǵy mektep-gımnazııasynyń pedagogi Madına Alıeva jáne Yessenov University stýdenti, bolashaq zańger Bekzat Qadyrbaev jańa Konstıtýsııanyń mańyzy men azamattyq belsendilik týraly oılaryn bólisti. Qatysýshylar Ata zańnyń teń quqyqtardy, bilim alý men kásibı damýǵa jáne el ómirine qatysýǵa keń múmkindikter beretinin atap ótti.
Forým ári qaraı M. О́skinbaev atyndaǵy Mańǵystaý oblystyq fılarmonııasynyń ónerpazdarynyń konsertimen jalǵasty. Aıda Baıgelova, Asqar Kósherov, Asanáli Kósherov, Nar-ult toby, Aqmaral Arǵynqyzy jáne ózge de ónerpazdar óner kórsetti. Keshtiń eń áserli sátiniń biri – zaldaǵy kórermendermen birge oryndalǵan «О́z elim» áni boldy.
