Reseılik belgili músinshi Ernest Neızvestnyı qaıtys boldy

Álemge áıgili músinshi Ernst Neızvestnyı 92 jasynda AQSh-tyń Nıý-Iork qalasynda qaıtys boldy. TASS aqparat agenttiginiń málimeti boıynsha, músinshi 1925 jyly týǵan. Ol Ekinshi dúnıejúzilik soǵysqa qatysqan, desantshy, Qyzyl juldyz ordenimen marapattalǵan. Rıgada óner akademııasynda oqyǵan, Sýrıkov atyndaǵy Máskeý óner ınstıtýtyn aıaqtaǵan. Soǵystan keıin biraz ýaqyt Sývorov ýchılıshesinde syzý páninen dáris berdi. 1955 jyly KSRO sýretshiler odaǵy Máskeý bóliminiń músin seksııasynyń múshesi atanǵan. Al 1977 jyly AQSh-qa kóship, sol jaqta shyǵarmashylyǵyn jalǵastyrdy. «Asqazanyndaǵy jaısyzdyqty sezgen bette-aq «Stonı Brýk» aýrýhanasyna jatqyzylǵan bolatyn. Tóbemizden jaı túskendeı bolyp otyr. Eki kún buryn ǵana kóz aldymyzda saý júrgen edi, búgin tańerteń shamamen saǵat 8:00 kezinde qaıtys boldy degen sýyq habar keldi», – dedi músinshiniń jaqyn dosy Djeff Blıýmıs. Aıan ÁBDÝÁLI Foto: tass.ru