Rıo – 2016: Boksshy Dychko Medjıdovpen kezdesedi

Qazaqstandyq asa aýyr salmaqtaǵy boksshy Ivan Dychkonyń 1/8 fınaldaǵy qarsylasy belgili boldy. Ol  ázerbaıjandyq Magomedrasýl Medjıdovpen kezdesedi. Bul jekpe-jek Astana ýaqytymen saǵat 4.45-te bastalady. Medjıdov Olımpıadada bir kezdesýin ótkizdi. Ol 1/16 fınalda marokkolyq Muhammed Ardjaýıdi jeńgen. Al Dychko jerebe boıynsha jarysty 1/8 fınaldan bastaıdy. Buǵan deıin ekeýi eki ret kezdesken bolatyn. Birinshisinde 2011 jyly Bakýde ótken álem chempıonatynda Medjıdov jartylaı fınalda jeńgen. Ekinshisinde 2013 jyly Almatyda ótken álem chempıonaty fınalynda Dychko nokýatqa túsip qalǵan. Sol kezde ázerbaıjandyq boksshy Dychkony noýaktqa jiberip, jeńgen edi. Bul jigittiń soqqylary jaman. Sharshy alańda onyń soqqylarynyń «dámin» tatqan boksshylardyń aıtýynsha, nokaýttan keıin adam birden eseńgirep, jatqan jerinen tura almaýy da múmkin. Otandasymyz osynyń bárin jaqsy biledi. Ol ese qaıtaratyn kezdiń kelgenin de túsinedi. Dastan KENJALIN Foto: kfb.kz