Qala kóshelerinde – jańa avtobýstar

Qyzylorda avtobýs parki taǵy da jańa 40 qoǵamdyq kólik aldy. Kelesi aıda taǵy 42-si keledi. Osylaısha, qaladaǵy halyq kóp qatynaıtyn marshrýttardyń avto­býstary túgeldeı jańarmaq. Barlyq avtobýstar gazben júredi, GPS, beınebaqylaý kame­ra­lary men múmkindigi shek­teý­li azamattar úshin minip-túsý­ge arnalǵan apparelmen jabdyq­talǵan. Olar 78 jolaýshyǵa deıin tasymaldaı alady. Kólik júr­gizýshileri men kondýktorlar arna­ıy daıyndyqtan ótken. Jańa av­to­býs­tardyń iske qosylýy­men 160 adam turaqty jumysqa ornalasty. Qazir arnaıy belgilengen aı­maqta syıymdylyǵy 200 avto­býsqa arnalǵan avtobýs parki­niń qurylysy júrgizilýde. Avto­býs parkinde kólik jóndeý, jýý sehy men GPS arqyly barlyq avto­býstardyń baǵytyn baqylap oty­ratyn ortalyq bolady. Oblys ákimi Qyrymbek Kósherbaev turǵyndardy jańa avto­býstardyń iske qosylýymen quttyqtady. – Kóptegen jyldar boıy halyq­­ty ábigerge salǵan osy qoǵam­­dyq kólik máselesin sheshý maq­satyn­da biz 2014 jyly «Baıq­ońyr» áleý­mettik kásip­kerlik korpo­ra­­sııa­sy janynan Qyzylorda avto­býs parkin quryp, Eýropa qaı­ta qurý jáne damý bankimen bir­le­sip jumys jasadyq. Sonyń nátı­je­sin­de bank 21 mıllıon AQSh dol­lary kóleminde nesıe berdi. Búgin qyzyl­ordalyqtar úshin aıryq­sha kún, saltanatty sát. Qala ha­l­qy­nyń kópten kútken qýany­shy oryn­dalyp, sý jańa úlken syıym­dy­lyq­taǵy zamanaýı avtobýstar el ıgil­i­gine paıdalaný­ǵa berilip otyr, – dedi oblys ákimi. Sharaǵa Eýropa qaıta qurý jáne damý bankiniń Qazaqstan boıyn­sha dırektory Djanet Hek­man arnaıy kelip qatysyp, avto­býs júr­gizý­shilerine kiltterdi tabystady. Al buǵan deıin elge qyzmet etken avtobýstar qalanyń shet aımaqtarynan jolaýshy tasymal­daıtyn boldy. Erjan BAITILES, «Egemen Qazaqstan» QYZYLORDA