Jer reformasy jónindegi komıssııanyń kezekti otyrysynda Premer-Mınıstrdiń orynbasary – Aýyl sharýashylyǵy mınıstri Asqar Myrzahmetov qazaqstandyqtardan jerge qatysty 12 838 qońyraý túskenin aıtty. Sonymen qatar, komıssııa tóraǵasy jerturaly.kz saıtqa turǵyndar tarapynan 984 usynys pen ótinish jazylǵanyn jetkizdi.
Jalpy, buǵan deıin jer reformasy jónindegi alqaly jıyn Almaty, Aqmola, Qyzylorda jáne Atyraý oblystarynda ótkizilgen bolatyn. Onda komıssııa músheleri turǵyndarmen kezdesip, pikirlerin tyńdaǵan bolatyn.
Al búgingi otyrysta Jer kodeksine jarııalanǵan moratorıı merzimi bes jylǵa sozylýy múmkin ekendigi aıtyldy. «Moratorıı jarııalanǵan máseleler boıynsha mynadaı usynys aıtqymyz keledi – osylardyń negizinde qabyldanǵan moratorıı merzimin 2021 jyldyń 31 jeltoqsanyna deıin sozý týraly Memleket basshysyna usynys jasaý», – dedi komıssııa tóraǵasy Asqar Myrzahmetov. Aıta keteıik, jıynda aýyl sharýashylyǵy jerlerin qazaqstandyqtarǵa 49 jylǵa deıingi merzimge jalǵa berý ınstıtýtyn saqtaý, turaqty monıtorıng júrgizý arqyly jer paıdalanýshylardyń jerdi utymdy paıdalanýyna baqylaýdy kúsheıtý, Jer kodeksinde aýyl sharýashylyǵy jerlerin berýdiń jeke jáne egjeı-tegjeıli reglamentteıtin tártibin belgileý, eldi mekenderdiń aınalasyndaǵy jaıylymdar men shabyndyqtardyń alańdaryn aıqyndaý, JTQ-ǵa arnalǵan jer ýchaskelerin memleket muqtajdyqtaryna satyp alý múmkindigin berý máseleleri qaralýdy.
Dınara BITIKOVA
Foto: Muhtar Holdarbekov
