Rıo-de-Janeıroda ótip jatqan Olımpııalyq oıyndar sheńberindegi boksshylar básekesi búgin keshke óziniń eń alǵashqy chempıonynyń esimin ataıdy.
Sport jankúıerleri bul joly boksshylar týrnıriniń burynǵy eshbir jarystaǵyǵa uqsamaıtyn shema boıynsha ótip jatqanyn baıqaǵan shyǵar. Ol ádettegideı irikteý, shırek fınal, jartylaı fınal jáne fınal kezeńderiniń barlyq salmaqtarda birdeı qatarlasa júrip jatpaǵandyǵynan kórinedi. Sondyqtan bir salmaqtaǵy boksshylar irikteý kezeńinen endi shyǵyp jatsa, endigi bir salmaqtaǵylar chempıondar attaryn anyqtaýda, taǵy bir salmaqtarda shırek fınal endi bastalsa, kelesi bir salmaqtarda jartylaı fınalǵa kezek keledi. Sóıtip, ár salmaqtaǵy chempıondar da ár kúni anyqtalatyn bolyp shyqty. Burynǵydaı bir kúnde oınalatyn fınal bul týrnırde joq.
Osylaısha búgin 49 kıloǵa deıingi salmaqtyń chempıony anyqtalǵaly tur. Ol ózbek Hasanboı Dýsmatov pen kolýmbııalyq Iýbergen Hemeı Martınestiń arasyndaǵy urysta sheshiledi.
Osylaısha kún saıyn kezektesip birer salmaqtyń myqtylary belgili bolyp shyǵady.
Endi búgin rıngke shyǵatyn bylǵary qolǵap sheberleri juptarymen, olardyń kezdesetin ýaqyttary týraly derektermen tanys bolyńyzdar.
14 tamyz. Kúndizgi sessııa
Áıelder. 75 kg. 1/8 fınal. 20:00. Iаroslava Iаkýshına (Reseı) – Nıen-Chın Chen (Qytaı Taıpeıi); 20:15. Darıǵa Shákimova (Qazaqstan) – Arıen Fortın (Kanada).
Erler. 56 kg. 1/8 fınal. 20:30. Djon Maıkl Konlon (Irlandııa) – Aram Avagıan (Armenııa); 20:45. Chatchaı Býtdı (Taıland) – Vladımır Nıkıtın (Reseı); 21:00. Dmıtrıı Asanov (Belarýs) – Chendbaatar Erdenebat (Mońǵolııa); 21:15. Robenılson de Lesýs (Brazılııa) – Shakýr Stıvenson (AQSh).
60 kg. 1/2 fınal. 21:30. Iorge Lazaro Alvares (Kýba) – Robson Konkeıkao (Brazılııa).
64 kg. 1/8 fınal. 21:45. Vıtalıı Dýnaısev (Reseı) – Chınzorıg Baatsýh (Mońǵolııa); 22:0. Ovannes Bachkov (Armenııa) – Hýnskýn Hý (Qytaı); 22:15. Fazlıddın Gaıbnazarov (О́zbekstan) – Mınoj Kýmar (Úndistan); 22:30. Garı Rassel (AQSh) – Výtchaı Masýk (Taıland).
81 kg. 1/4 fınal. 22:45. Hýlıo Sezar La Krýz (Kýba) – Mıchel Borges (Brazılııa); 23:00. Matıeý Albert Baýderlık (Fransııa) – Karlos Andres Mına (Ekvador).
49 kg. Fınal. 23:15. Iýbergen Hemeı Martınes (Kolýmbııa) – Hasanboı Dýsmatov (О́zbekstan).
15 tamyz. Keshki sessııa
Áıelder. 75 kg. 1/8 fınal. 02:00. Andreııa Bandeıra (Brazılııa) – Afeına Bılon (Panama); 02:15. Anna Laýrell Nash (Shvesııa) – Savanna Marshall (Ulybrıtanııa).
Erler. 56 kg. 1/8 fınal. 02:30. Jıaveı Jang (Qytaı) – Sang-Mýeng Ham (Ońtústik Koreıa); 02:45. Mohamed Hamıt (Marokko) – Robeısı Ramıres (Kýba); 03:00. Ezekkıl Alberto Melıan (Aljır) – Bılel Mhamdı (Týnıs); 03:15. Qaırat Erálıev (Qazaqstan) – Mýrodjon Ahmadalıev (О́zbekstan).
60 kg. 1/2 fınal. 03:30. Otgondalaı Dorjnııambýý (Mońǵolııa) – Sofııan Oýmıha (Fransııa).
64 kg. 1/8 fınal. 03:45. Artem Arýtıýnıan (Germanııa) – Artýr Bıarslanov (Kanada); 04:00. Batýhan Gozgek (Túrkııa) – Edıson Teıkseıra (Brazılııa); 04:15. Lorenso Kollazo Sotomaıer (Ázerbaıjan) – Hassan Amzıle (Fransııa); 04:30. Pet MakKormakk (Ulybrıtanııa) – Iаsnıer Toledo (Kýba).
81 kg. 1/4 fınal. 04:45. Djoshýa Býatsı (Ulybrıtanııa) – Abdelhafıd Benchabla (Aljır); 05:00. Teımýr Mámedov (Ázerbaıjan) – Ádilbek Nııazymbetov (Qazaqstan).
Damır QOJAMQUL
