Shyǵys Qazaqstan oblysy basshysy Rypakovaǵa quttyqtaý joldady

Shyǵys Qazaqstan oblysynyń ákimi Danıal Ahmetov Rıo-de-Janeıro qalasyndaǵy HHHI Jazǵy Olımpıada oıyndarynyń uzyndyqqa úsh qarǵyp sekirýden qola júldegeri atanǵan Olga Rypakovany quttyqtady. «Qurmetti Olga Sergeevna, Sizdi Olımpııalyq oıyndardyń kezekti medalin jeńip alýyńyzben quttyqtaımyn! Bul – Qazaqstannyń halyqaralyq sport arenasyndaǵy mańyzdy tabysy boldy. Al jankúıerler úshin umytylmas áser men sezim syılady. Sizdiń joǵary nátıjelerińiz otandyq sportshylardyń jas býynyna jarqyn úlgi bolady. Biz Sizben maqtanamyz!», delingen óńir basshysy joldaǵan quttyqtaý jedelhatynda. Sondaı-aq aımaq basshysy sportshyǵa jańa shyńdardy baǵyndyrýda sáttilik pen jarqyn jeńister tiledi. Olga Rypakovanyń Rıo tórindegi úzdik nátıjesi 14,74 metrdi qurap, el quramasynyń qorjynyna segizinshi olımpıadalyq medaldi salǵan bolatyn. Aıta ketelik, London Olımpıadasyndaǵy trıýmfty jeńisten keıin sportshy atynda О́skemen qalasynda jeńil atletıka maneji salynǵan bolatyn. Atalǵan áıdik sport nysanynyń dırektory – Olganyń kúıeýi ári jattyqtyrýshysy Denıs Rypakov. Búginde erli-zaıypty sportshylar jańa nysanda jeńil atletıkadan jas býyndy tárbıeleýde. Sonymen birge Olga da óziniń sporttyq jolyn tabysty túrde jalǵastyryp keledi. Olga Rypakova Rıo Olımpıadasynan keıin birden kelesi jarysqa, atap aıtqanda Lozannada ótetin Daımond Lıgasyna attanbaq. Elge osy jarystan keıin oralatyn bolady. Dýman ANASh Foto: egemen.kz О́SKEMEN