Oralyna oljaly oralady

Brazılııa jerinde áıelder kúre­sinen olja salyp jatqan qaı­sar qyz Ekaterına Larıonova Ba­tys Qazaqstan oblysynyń Bórli aýdanyna qarasty Prıýral aýylynyń týmasy eken. Keıin bul otbasy oblys ortalyǵyna kóship kelip­ti. Sodan bastap tulymshaǵy jelbi­regen jetkinshek sporttaǵy daryndy balalarǵa arnalǵan mektep-ınter­natqa qabyldanyp, áıelder kúre­simen dendep aınalysa bastapty. Sol kezde ol on jasqa da tola qoımaǵan eken. Tuńǵysh bapkeri Musabek Narıgeev kishkentaı Katıa­nyń boıynda muqalmas erik-jiger qalyptasa túskenin aıtady. Biz munyń jarqyn úlgisin Rıoda sheshýshi sát týǵanda kórdik. Birinshi beldesýinde utylyp qalǵan ol ózin súrindirgen belorýs balýany fınalǵa shyqqannan keıin qola medal úshin kúresý múmkindigine ıe boldy. Muny Katıa keremet paıdalandy. Ol budan keıingi eki beldesýin de jeńispen aıaqtap, qola medalǵa qol sozdy. Ol, ásirese, kanadalyq álem chempıony Elena Pırojkovaǵa qarsy kúresin óte tamasha etip ótkizip, taza jeńiske jetti. Biz keshe Oral qalasyndaǵy Alekseı jáne Natalıa Larıo­novtar turatyn úıge arnaıy bas suǵyp, Katıanyń ata-anasymen de bir-eki aýyz til qatysqan edik. – Qazirgi sáttegi kóńil kúı­le­rińiz jóninde aıtyp bermes pe ekensizder? Qaı otbasynda da áke – asqar taý, qamqorshy. Al Katıa úshin ákeniń orny tipti bólek. О́ıtkeni, Alekseı Stanıslavovıch onyń ákesi ǵana emes, sondaı-aq osy Oıyndarǵa daıyndaǵan bapkeri. Sondyqtan, qyzdary jónindegi alǵashqy  ata-analyq yqylas sózdi ákeniń bastaýy qaı turǵydan da oryndy ekeni anyq edi. – Biz qyzymyzdan úlken úmit kúttik. Onyń Olımpıadadan júldesiz oralmaıtynyna senim arttyq. Ol osy úmit pen senimdi aqtady. О́zin de, ata-anasyn da, ózine tilekshi jankúıer bolǵan bar­lyq otandastaryn da jerge qarat­qan joq, – dedi ol. Kelesi kezekte qýanyshtan kózi jasaýrap otyrǵan anasy Natalıa Mıhaılovna tula boıy tuńǵyshy jónindegi aq tilegin bylaısha jal­ǵastyryp áketti. – Árıne, qyzymyzdyń Olım­pıada kezindegi jetistigine basty qoldaý kórsetken jubaıym, otbasy ıesi. Ákesi men qyzynyń uzaq ýaqytqa sozylǵan eren eńbek­teri, tógilgen mańdaı ter­leri tekke ketpegenine qýana­myn. Bul júlde tek bizdiń otbasymyzǵa ǵana emes, sonymen birge Katıaǵa tilekshi bolǵan Oral óńiriniń jurtshylyǵyna jáne barsha qazaqstandyqtarǵa ortaq dep túsinemin. О́tken aılarda Ispanııada ótken saıystar kezinde Katıa jaraqat alyp qalǵanda janymdy qoıarǵa jer tappadym. Ony qatty ýaıymdadym. Degenmen, keıin bári óz ornyna kelgeni qandaı jaqsy. Katıamyz otbasymyzdaǵy óziniń artynan ergen inilerine úlgi-ónege kórsetti. Olarǵa aıqyn jol bastady. Aınymas baǵyt-baǵdar berdi. Olar qazirdiń ózinde óz apalaryndaı bolýǵa talpynýda. Eń bastysy, Ekaterına el senimin aqtady. Biz bul kúndi uzaq kúttik. Búgin sol kútken kúnimiz kelip, baqyttan basymyz aınalǵandaı kúı keshýdemiz. Bunyń bári el tileginiń qabyl bolǵany dep bilemiz. Qysqasha, til qatysý sáti aıaq­talyp, kóshege shyqtyq. Qýa­nysh pen shattyq kernegen, ár buryshyna meıirim men mamyrajaı tirlik uıa­laǵan Larıonovtar úıi artymyzda qalyp barady. О́mirge Katıýshadaı jany jomart, baıypty da baısaldy, rııasyz kúlimsireı qaraıtyn, aıdaı dıdarynan jyly nur tógilip sala beretin qaısar da kórkem qyzdy dúnıege ákelip, tárbıelegen erli-zaıypty Alekseı jáne Na­talıa Larıonovtarǵa degen súıis­penshilik sezim qaldy kókeıde. Temir QUSAIYN, «Egemen Qazaqstan» ORAL