Syn oryndy. Synalǵandar ne der eken?

Belgili jýrnalıst Jylqybaı Jaǵyparulynyń «Devıatkodan Dúısenovaǵa deıin» atty maqalasy meni de qolyma qalam alýǵa májbúrlep otyr. О́ıtkeni gazet betinde jarııalanǵan maqala óziniń ótkirligimen jáne respýblıkadaǵy me­dı­sınalyq qyzmettiń kem­shilikterin esh búk­pe­siz baıandaýymen oı saldy. Táýelsizdigimizdiń shırek ǵa­syrlyq merzimi ishinde Den­saý­lyq saqtaý mınıstri bolyp jeti birdeı adam istegen eken. Al osy mınıstrler osy zamanǵa jaýap bererlik, halyq múddesine saı, densaýlyq saqtaý baǵytynda ilgeri basarlyqtaı reformalar júrgize aldy ma? Maqalada ár mınıstrdiń ózin­she jasaǵan jumystary te­reń taldanyp, ótkir synǵa alyn­dy. Mindetti áleýmettik medı­sınalyq saqtandyrý týraly zań qabyldanǵanymen, ol sebepten sebepsiz turalap baryp, toqyrap toqtap qalǵan. Búkilhalyqtyq qor qurylyp, oǵan júzdegen myń adam qaltalarynan qarjy quıǵan. Qor basshysy alaıaq T.Imanbaev degen qorǵa túsken qarjyny tik kóterip alyp, shetelge qashyp ketken. Odan tapa-tal túste kóz jazyp qalǵan basshylyq syrttaı toǵyz jylǵa sottaǵan. Bul kádimgi «Jaý ketken soń qylyshyńdy tasqa shaptynyń» keri ǵoı. Qazaqtyń «Qazannan qaqpaq ketse, ıtten uıat ketedi» degeni osyndaı ıesizdik pen bassyzdyqqa qarata aıtylsa kerek. Sonda bas ury ustalmaı ketkenmen, onyń osynda qalǵan sybaılastary kúni búginge nege jaýapqa tartylmaǵan? Múldem túsiniksiz jaıt. Jýrnalıst jekemenshik emdeý oryndaryndaǵy óz kózimen kór­gen, basynan ótkergen keleń­siz­dikti, naýqastyń qaltasyn qaǵý qıturqylyǵyn oryndy sóz etedi. Menińshe, bul júgensizdikke bılik­tegiler tarapynan bir tosqaýyl bolmaı ma degen oı keledi. Medısına salasynda bilimsiz ǵalymdardyń órip júrgendigin men de kezinde óz kózimmen kórgen adammyn. Uıat ta bolsa aıtaıyn, ata­ǵy aspandap turǵan Astanadaǵy bir emdeý mekemesinde 2011 jyly on kún jatyp shyqqanym bar. Jańylmasam, ǵylym doktory bas­qaratyn bólimshede jattym. Sonda álgi qaryndasym: «Oń jaq ók­­peńizde rak bar, oǵan ota jasaımyz», dedi. Sodan ol úkimniń týra ólim ekendigin bilip, Al­matyǵa sapar shektim. On­da­ǵylar bul dıag­nozdy te­riske shyǵardy. Ágárákı bulardyń ámirin oryndasam, men búgin J.Jaǵyparulynyń asa kókeıkesti maqalasyna ún qos­paǵan bolar edim. Al mundaı shala saýatty ǵalymdardyń mysaldary bizdiń elimizde myńdap sanalady. Adam ómirimen bulaı oınaýǵa bolmas bolar. Sóz sońynda aıtarym, «Egemen Qazaqstan» sııaqty aǵa basylymnyń kóterip otyrǵan máselesi eń qury­ǵanda atalmysh mınıstrlikte oqy­lyp, talqylansa, sóıtip naq­tyly shara qoldanylsa, nur ústi­ne nur bolar edi. О́ıtkeni máse­le qazaqstandyqtardyń den­saý­lyǵyna tikeleı qatysty bolyp tur ǵoı. Tólegen QAJYBAI, Qazaqstan Jazýshylar odaǵy Aqmola oblystyq fılıalynyń tóraǵasy