Bıylǵy daıyndyq basymdyqtary

Jyl saıyn jańa oqý jylyna daıyndyqqa basa nazar aýdarylady. О́ńirde bul úrdis bıyl da óz jalǵasyn taýyp otyr. Biz oblystyq bilim basqarmasy bas­shy­synyń orynbasary Gúljan Qulybekovamen bolǵan áńgimeden osyny ańǵardyq. Oblystaǵy 422 mektepke 130 myń oqýshy barady. Bul ótken jylǵy oqýshylar sanynan 5 myńǵa artyq. Qazirdiń ózinde bıyl mektep tabaldyryǵyn attaıtyn balalar sany 17 myńǵa jýyqtaǵan. Birinshi synypqa baratyn balalardy tirkeý áli de júrgizilýde. – Bıyl mektep esigin ashatyn birinshi synyp oqýshylary jańa bilim berý mazmuny boıyn­sha oqy­tylady. Olarǵa bilim berý baǵ­darlamasy da, oqýlyqtar da jańa sıpatta bolady. Birinshi synypqa sabaq beretin 329 muǵalim bilim jetildirý kýrstarynda daıarlyqtan ótken. Mektepke «tarydaı bolyp kiretinderge» biryńǵaı úlgidegi kıim kııý tártibi engizilgen, tegin oqýlyqtarmen qamtamasyz etiledi. Bul 12 jyldyq bilim berý júıesine kóshý­diń basy bolmaq, – deıdi bas­qarma basshysynyń orynbasary. Jańa oqý jylynda on jeti bilim berý mekemesi paıdalanýǵa beri­ledi dep kútilýde. Sonyń 11-i jańa oqý jyly bastalǵansha iske qosy­lady. Aqtóbe qalasynyń ózinde úsh orta mektep pen bir bala­baqsha esigin aıqara ashady. Bári ulttyq qor esebinen salynýda. О́ńirde shaǵyn jınaqy mektep­terdi ońtaılandyrý baǵytynda da birqatar jumystar júzege asyrylýda. Temir aýdanyndaǵy – úsh, Yr­ǵyz aýdanyndaǵy bir shaǵyn jınaqy mektep jabylyp, olardyń oqý­shy­laryn ınternatqa ornalastyrý, tasymaldaý máselesi sheshilgen. – Jalpy oqý-ádistemelik qural­dar satyp alýǵa oblys boıynsha 729,8 mıllıon teńge qaraldy. Qaıta basylyp shyǵarylatyn oqýlyqtarmen 100 paıyz qamta­ma­syz etiledi. Oqýlyqpen qamtý qazirdiń ózinde 93 paıyzdy quraı­dy.Ústimizdegi jyldyń 12 tamyzyna Almaty qalasynan oqýlyqtardy tasymaldaý 98 paıyzdy, al qala men aýdandarǵa jetkizý 61 pa­ıyzdy qurap otyr. Oqýlyqtardy mektepterge jetkizý 25 tamyzǵa deıin tolyq aıaqtalady. Bilim berý mekemelerin jylytýǵa qajetti qatty otynnyń 70 paıyzy, suıyq otynnyń 30 paıyzy jetkizildi, –deıdi basqarma basshysynyń orynbasary Gúljan Qulybekova. О́ńirde «Mektepke jol» aksııasy bastaldy. Bıyl bul aksııa el Táýelsizdiginiń 25 jyldyǵyna arnalyp, «Baqytty balalyq shaǵymnyń mekeni» devızimen ótkizilýde. Búginge deıin oblysta kóp balaly jáne az qamtylǵan otbasylarynan mektepke baratyn 14144 oqýshy anyqtalyp, oblystyq ákimdikke 241 ata-ana kómek surap kelgen eken. Ár senbi saıyn «Mega – Aqtóbe» saýda ortalyǵynda uıymdastyrylatyn mektep jár­meń­kesinde «Tilek» aǵashy qoıyl­ǵan. Ár­bir az qamtylǵan otbasy balalary ózderine ne qajet ekenin konvertke jazyp sol arada qaldyra alady. Biz olardyń ótinishin oryndaýdyń joldaryn qarastyramyz. Osy oraıda iri kásiporyndar, basqarmalar men departamentterdiń óz kómekterin kórsetip otyrǵanyn atap ótý oryndy. Oblystyq bilim salasyndaǵy baqylaý departamenti, oblystyq jolaýshylar kóligi jáne avtomobıl joldary basqarmasy, ishki ister departamenti, «Transenergo» aksıonerlik qoǵamy jáne bas­qa­lary oqýshylar ótinishine qoldaý kórsetip keledi. Qala jáne aýdandar boıynsha 2041 balaǵa 7435 myń teńgege mektep formasy jáne qajetti qural-jabdyqtar satyp alyp berildi. «Týǵan jerge taǵ­zym» aksııasy aıasynda mektep, bala­baqsha jáne basqa áleýmettik nysan­daryn materıaldyq-tehnı­ka­lyq jabdyqtaý, jóndeý jumys­taryna 2 myńnan astam túlek qaty­syp, 270 mıllıon teńgege demeý­shilik jasady. О́ńirde «Bilim týraly» zańyna, Bilim jáne ǵylym mı­nıstri­niń buıryǵyna sáıkes mek­tep­ter­de mindetti mektep for­ma­sy­nyń en­gi­zilýine baılanysty 51 jeke kásip­kermen mektep for­ma­syn tigýge kelisim­shart jasal­ǵan. Aqtóbe qala­syndaǵy 1 sy­nyp oqýshylaryna biryńǵaı mektep formasyn engizýge sheshim qabyl­danyp, «AZAIA» JShS-men jumys istelýde. Satybaldy SÁÝIRBAI, «Egemen Qazaqstan» Aqtóbe oblysy