Taqyryptyq klasterler tanystyryldy

Keshe Kongress-holda «Bilimdi el – Máńgi el» taqyrybymen Astana qalasy bilim qyzmetkerleriniń dástúrli tamyz keńesi bolyp ótti. Oǵan Bilim jáne ǵylym mınıstri Erlan Saǵadıev, Astana qalasynyń ákimi Áset Isekeshev, Parlamenttiń jáne qala­­lyq máslıhattyń depýtattary, shyǵarmashylyq jáne ǵylym salalarynyń ókilderi qatysty. Sonymen birge, tamyz kon­fe­ren­sııasyna basqarma basshylary, bilim berý salasynyń arda­ger­leri, jalpy bilim berý mekemeleriniń birinshi basshylary men muǵalimder, úkimettik emes uıymdardyń ókilderi shaqyryldy. Keńes barysynda ótken oqý jyly­nyń qorytyndysy shyǵa­ry­lyp, astanalyq bilim meke­me­leriniń 2016-2017 oqý jyly­na daıyndyǵy jáne orta bilim berý sapasyn arttyrý másele­leri tal­qylandy. Otyrysqa qaty­sý­shy­lar balalardy mektep­ke deıin­gi bilim­men qamtýdy art­tyrý­ǵa, mek­tepke deıingi bilim berý qyz­met­­te­rin kórsetýge jekemenshik ın­ves­­t­or­lardy tartýǵa basa nazar aýdardy. Jıynǵa qatysýshylar men qonaqtar úshin taqyryptyq kórme uıymdastyryldy. Shara Astana qalasynyń bilim berý uıymdarynyń ınnova­sııa­­lyq tehnologııalar men baǵdar­la­ma­lardy engizý boıynsha ju­mys tájirıbesin jınaqtap qory­týǵa múmkindik berdi. Kórme materıaldary bilim teh­­no­­logııa­­laryna, mektepke deıin­gi bilim­ge, joǵary synyp oqý­shy­la­ryn kásiptik baǵdar­laýǵa, elor­da­lyq daryndy bala­lar­­dyń halyq­aralyq, respýb­lı­kalyq olımpıadalar men ǵy­ly­mı kon­kýrstardaǵy jetis­tik­terine, sondaı-aq, bilim berý mekeme­leriniń úzdik ǵylymı joba­laryn tanystyrýǵa arnalǵan 11 taqyryptyq klastermen órnekteldi. Elordalyq bilim salasy qyz­met­kerleriniń aldynda qala ákimi Áset Isekeshev baıandama jasady. Qazirgi kezde Astana qalasy bilim berý uıymdarynda 14 myńǵa tarta pedagog-kadrlar jumys isteıdi. Joǵary pedagogıkalyq bilimi bar ustazdar úlesi 88 paıyzdy quraıdy. Jańa oqý jylynda qaladaǵy 94 mektepte (onyń 83-i memlekettik, 11-i memlekettik emes) 129 myń oqýshy bilim ala­dy. Onyń ishinde 20 myńnan astam búldirshin bıyl alǵash ret mektep tabaldyryǵyn attaıdy. Jańa oqý jylynda elordadaǵy Qartaly kóshesinde 600 oryndyq №26 mektep, Saýran – Aqmeshit – Hýseın ben Talal kósheleri aýmaǵynda 1200 oryndyq jańa mektep ashyl­maq. Jyl sońyna deıin Kók­tal kentinde 375 oryndyq kor­reksııalyq mektep-ınternat, árqaısysy 525 oryndyq №17 jáne №22 mektepterge japsarlas sa­lyn­ǵan qosymsha ǵımarattar paıda­lanýǵa beriledi. Qala ákiminiń aıtýynsha, jyl aıaǵyna deıin 30 jekemenshik mek­tep jasyna deıingi balalar meke­meleri paıdalanýǵa beriledi. Bol­jam boıynsha, 2019 jyly Astana­da 3 jáne 6 jas araly­ǵyn­daǵy búl­dirshinder sany 65 myń­nan asady. Elordalyq búldir­shinderdi mektep jasyna deıingi mekemelermen 100 paıyz qamtý úshin qosymsha 26 myń oryn kerek. Bul keleli mindetti sheshý úshin osy kezeńde 200-den astam jańa nysandar ashý kerek. «2016 jyldyń 1 shildesinen mektep jasy­na deıingi jekemenshik meke­me­lerdegi memlekettik bilim berý tapsyrysynyń quny 1 balaǵa 15 900 teńgeden 23 000 teń­ge­ge deıin arttyryldy. Sony­men birge, ata-analar tóleıtin tólem 23 000 teńgeden 20 800 teń­ge­ge deıin arzandatyldy. Bul ata-analarǵa túsetin sal­maq­ty jeńildetip, olarǵa memle­ket­tik jáne jekemenshik bala­baq­shalardy tańdaýǵa múmkindik beredi», dedi Áset Isekeshev. Qala ákimi óz sózinde mek­tep­ter­de ata-analardan ártúr­li sebep­termen qarjy jınaý tár­ti­bine tosqaýyl qoıyla­tyn­dyǵyn atap kórsetti. Áset Isekeshevtiń aıtýynsha, bilim salasyndaǵy áleý­­mettik jeńildik­ter jalǵa­syn tabady. Aldaǵy oqý jylyn­da 65 myńnan astam bala tegin tamaq­tandyrýmen qamtamasyz eti­ledi. Qaladaǵy barlyq bilim berý meke­melerinde jumys isteıtin asha­na­­lar men býfetterdiń ónimderi qa­tań baqylaýǵa alynatyn bolady. Elordalyq muǵalimderdiń dás­túr­li tamyz keńesinde  Bilim jáne ǵylym mınıstri Erlan Saǵa­dıev sóz sóılep, elimizdiń bilim berý sala­sy­nyń aldynda turǵan kele­li mindet­ter­di tilge tıek etti. Jıyn qory­tyn­dysynda erekshe kóz­ge túsken ustazdarǵa «Qazaqstan Res­pýb­lıkasy bilim berý isiniń qur­met­ti qyzmetkeri» jáne Ybyraı Altyn­sarın atyn­daǵy tósbelgileri, Qur­met gramotalary jáne alǵys hat­tar sal­tanatty jaǵdaıda tapsyryldy. Jylqybaı JAǴYPARULY, «Egemen Qazaqstan» Sýretti túsirgen Sultan SEIITOV