• 28 Tamyz, 2016

ÝEFA Chempıondar lıgasy men Eýropa lıgasy pishimin ózgertti

695 ret

kórsetildi

1 mın

oqý úshin

Egemen Qazaqstan

27-08-16-liga

Eýropa fýtbol assosıasııasy federasııasy (ÝEFA) Chempıondar lıgasy men Eýropa lıgasynyń 2018/19, 2019/20 jáne 2020/21 maýsymdardaǵy pishimin ózgertý jóninde sheshim qabyldady. Biraq jarys júıesi burynǵysynsha qala beredi. О́zgeretin oǵan qatysatyn komandalardy irikteýge qatysty bolady. Muny osy uıymnyń baspasóz qyzmeti habarlady. ÝEFA Eýropa fýtbolyna múddeli barlyq jaqtardyń qatysýymen aqyldastyq júrgizdi. Osyǵan oraı atqarý komıtetiniń usynysymen birqatar ózgerister engizdi. Ol ózgerister mynadaı jaqtardy qamtıdy:

ÝEFA Eýropa lıgasynyń jeńimpazy Chempıondar lıgasynyń toptyq kezeńine birden joldama alady (qazir ol tek pleı-off raýndynan keıin ǵana kele alyp júr).
Reıtıngileri barynsha joǵary tórt assosıasııanyyń árbiriniń tórt klýby Chempıondar lıgasynyń toptyq kezeńine birden túsedi (qazir bul tórttikti Ispanııa, Germanııa, Anglııa jáne Italııa qurap otyr).
Munda erejeler jyl sońyna deıin eki lıga boıynsha da jan-jaqty jasalyp shyǵady.
Jańa júıe klýbtardyń koeffısıentterin esepteýden turady: klýbtar tikeleı jeke ózderiniń koeffısıentteri boıynsha baǵalanady, ıaǵnı assosıasııalarda jınalǵan ortaq upaılar budan keıin olardyń nátıjelerine áser ete almaıdy (tek klýbtar koeffısıentteri assosıasııa koeffısıentinen 1/5 bólikten kem bolǵan jaǵdaıda ǵana).
Koeffısıentter eseptelgen kezde klýbtardyń bul týrnırdegi tarıhı tabystary esepke alynady. Chempıondar lıgasy men Eýropa lıgasynda jeńiske jetken komandalar qosymsha upaılar alady.
Eki týrnırde de klýbtar men lıgalarǵa bólinetin qarjylar aıtarlyqtaı ulǵaıtylady.

Damır QOJAMQUL