Qazaqstan Respýblıkasy Qarýly Kúshteriniń qataryn joǵary áskerı oqý oryndarynyń túlekteri jáne osy jyly zapasqa shyǵarylǵan áskerı qyzmetshiler tolyqtyryp jatyr.
Osy kúnderi «Astana» óńirlik qolbasshylyǵynda 46298 áskerı bóliminiń bazasynda jas leıtenanttarmen oqý-ádistemelik jıyndar ótýde.
Jıynnyń negizgi maqsaty – jas ofıserlerdi qyzmetke alyp, jeke qurammen jumys isteýdegi qyzmetin kórsetý.
«Sizderge úlken jaýapkershilik júktelip otyr. Sizder elimizdiń qorǵanysyn nyǵaıtýda, elimizdi qorǵaýda úlgi bolýǵa tıissizder», - dedi «Astana» óńirlik qolbasshylyǵy áskerleriniń jıyn bastyǵy polkovnık Ermııan Bıatov.
Jas ofıserler qyzmetin atqarý úshin Qarýly Kúshterdiń barlyq áskerı bólimderi men bólimshelerine attanady. Qazir Áskerı-teńiz kúshterdiń qataryn Qytaıdyń Áskerı-teńiz akademııasy, Sankt-Peterbor qalasy Áskerı-teńiz akademııasy men Qurlyq áskerleriniń Áskerı ınstıtýtyn bitirgen 12 jas leıtenant tolyqtyrdy.
Dastan KENJALIN
