Bala kózindegi baqyt

Ala jazdaı asyr salyp oınaǵan balalardy jańa oqý jaqyndaǵanda qýantqanǵa ne jetsin! Ásirese, mek­tep tabaldyryǵyn endi at­taıtyn baldyrǵannyń oqý qu­raldary men arqaǵa asatyn sómkelerdi kórgende kúlimdegen kóz­derinen nur tógilip-aq turady. Atyraýdaǵy №34 lıngvıstik gım­nazııanyń birinshi synybyna qabyldanǵan 100 bala dál osyndaı kól-kósir qýanyshqa keneldi. Olarǵa «Nort Kaspıan Opereıtıng Kompanı N.V.» (NKOK) kompanııasy «Mektepke jol» aksııasy aıasynda oqý qural­darymen toltyrylǵan sómkeler syıǵa tartty. Atalǵan kompanııa sonymen birge, Maqat aýdanyndaǵy az qamtylǵan otbasylardyń balalaryn da qýantýdy umytqan joq. Aýdan ortalyǵyndaǵy mádenıet úıine jınalǵan 100 balaǵa mektep quraldary men sómkelerdi tartý etken «NKOK» kompanııasy áleýmettik, korporatıvtik jáne ekologııalyq mindettemelerin jaýapkershilikpen atqarýda. Kompanııanyń júzege asyryp jatqan álemdik deńgeıdegi jobasy Atyraý men Mańǵystaý oblystary turǵyndarynyń, sonymen birge, tutastaı el ıgiligine jumys istemek. «Konsorsıým jyl saıyn balalar ómirin jaq­sartýǵa baǵyttalǵan túrli sharalardy ótkizýge de atsalysýda. Sonyń ishinde, «Mektepke jol» aksııasy sheńberinde balalarǵa oqý quraldaryn syıǵa tartýdy kózdedik. Biz balalardyń mektepte jaqsy oqýyna tilektespiz», dedi «NKOK» kompanııasynyń qoǵammen qarym-qatynas ornatý jónindegi keńesshisi Albına Muhambetova. «Berseń – balaǵa ber» degendeı, olardyń qýanǵanyna, kúlimdegen kózi baqyttyń nuryna tolǵanyna eshteńe jetpeıdi. Joldasbek ShО́PEǴUL, «Egemen Qazaqstan» Atyraý oblysy