Qazaqstan Respýblıkasy Aqparat jáne kommýnıkasııalar mınıstrliginiń buıryǵy №16

2016 jylǵy 28 maýsym, Astana qalasy «Uıaly baılanys jelilerinde abonenttik nómirdi kóshirý qaǵıdalaryn jáne uıaly baılanys jelilerinde abonenttik nómirdi kóshirý qyzmetterin engizý kúnin bekitý týraly» Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 26 qarashadaǵy №1105 buıryǵyna ózgerister engizý týraly «Quqyqtyq aktiler týraly» 2016 jylǵy 6 sáýirdegi Qazaqstan Respýblıkasy Zańynyń 50-baby 2-tarmaǵyna sáıkes buıyramyn: 1. «Uıaly baılanys jelilerinde abonenttik nómirdi kóshirý qaǵıdalaryn jáne uıaly baılanys jelilerinde abonenttik nómirdi kóshirý qyzmetterin engizý kúnin bekitý týraly» Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 26 qarashadaǵy №1105 buıryǵyna (Normatıvtik quqyqtyq aktilerdi memlekettik tirkeý tiziliminde №12464 bolyp tirkelgen, «Ádilet» aqparattyq-quqyqtyq júıesinde 2015 jylǵy 28 jeltoqsanynda jarııalanǵan) mynadaı ózgerister engizilsin: 5-tarmaq mynadaı redaksııada jazylsyn: «5. Abonenttik nómirdi kóshirý resıpıentke qyzmet kórsetý pýnktine abonenttiń osy Qaǵıdalarǵa qosymshaǵa sáıkes nysan boıynsha uıaly baılanys jelilerinde abonenttik nómirdi kóshirýge ótinimdi (budan ári - ótinim) berýi arqyly júzege asyrylady. Abonenttiń tańdaýy boıynsha abonenttik nómirdi kóshirý kúntizbelik 30 (otyz) kúnnen aspaıtyn merzimge keıinge qaldyrylady. Keıinge qaldyrylǵan ótinim boıynsha abonenttik nómirdi kóshirý múmkindigi abonenttiń ótiniminde kórsetiletin kúnge sáıkes júzege asyrylady.»; 7-tarmaq mynadaı redaksııada jazylsyn: «7. Abonenttik nómirdi kóshirý mynadaı sharttar bolǵan kezde júzege asyrylady: 1) resıpıentpen ANODQ-ǵa uıaly baılanys jelilerinde abonenttik nómirdi kóshirýge suraýdyń durys toltyrylýy. Bul rette, durys toltyrý ótinimge sáıkes suraýdyń durys jáne anyq toltyrylýyn bildiredi; 2) abonenttiń derbes derekteriniń durystyǵy. Bul rette, durystyǵy ótinimde kórsetilgen JSN jáne (nemese) jeke tulǵanyń jeke basyn kýálandyratyn qujattyń nómiri/zańdy tulǵanyń BSN donor men abonent arasyndaǵy uıaly baılanys qyzmetterin kórsetý týraly shartta kórsetilgen derektermen sáıkes kelýin bildiredi; 3) abonenttik nómirdi kóshirý múmkindigin rastaý – qatelikpen kóshirý jaǵdaılaryn qospaǵanda, sońǵy kóshirý sátinen bastap keminde kúntizbelik 60 (alpys) kún ótti; 4) abonenttik nómirdi kóshirýge belsendi ótinimderdiń bolmaýy; 5) donordyń tekserý sátinde kredıttik tártipte esep aıyrysýlary bar abonentter úshin donormen jasalǵan uıaly baılanys qyzmetterin kórsetý týraly shart boıynsha bereshektiń bolmaýy; 6) uıaly baılanys operatorynyń roýmıng-áriptesi naqty ýaqyt rejıminde qosylýlardyń uzaqtyǵyn qadaǵalaýǵa múmkindik beretin júıelerdi (jabdyqty jáne bılıngti júıeni) paıdalanbaǵan kezde donormen jasasqan baılanys qyzmetterin kórsetý týraly shart boıynsha donordyń tekserý sátinde avanstyq esep aıyrysýlary bar abonentte roýmıng qyzmetteri úshin bereshektiń bolmaýy; 7) kóshiriletin abonenttik nómirler úshin alynǵan abonenttik qurylǵylar boıynsha abonenttiń donor aldyndaǵy shart boıynsha mindettemelerdiń bolmaýy.»; 9-tarmaq 2) tarmaqshasynyń ekinshi abzasy alyp tastalsyn; 16-tarmaq mynadaı redaksııada jazylsyn: «16. Tekserý nátıjeleri boıynsha donor abonenttik nómirdi kóshirý týraly resıpıenttiń suraýyn rastaıdy nemese ANODQ-ǵa osy Qaǵıdalardyń 7-tarmaǵynyń 2), 5), 6), 7) tarmaqshalarynda kózdelgen abonenttik nómirdi kóshirý talaptaryn saqtamaǵan kezde abonenttik nómirdi kóshirýden bas tartý týraly erkin nysandaǵy habarlamany jiberedi.»; 20-tarmaq mynadaı redaksııada jazylsyn: «20. Donordyń abonenttik nómirdi kóshirý týraly suraýdy qaraý nátıjeleri boıynsha resıpıent abonentke abonenttik nómirdi kóshirýdi rastaý týraly SMS jiberedi. Donor osy Qaǵıdalardyń 7-tarmaǵy 2), 5), 6), 7) tarmaqshalarynda kózdelgen abonenttik nómirdi kóshirý talaptaryn saqtalmaǵan kezde abonenttik nómirdi kóshirýden bas tartqan jaǵdaıda, resıpıent bas tartý sebebin kórsete otyryp, SMS jiberý arqyly abonentti kóshirýden bas tartý týraly habarlandyrady.»; 45 jáne 46-tarmaqtar mynadaı redaksııada jazylsyn: «45. Abonenttik nómirdi uıaly baılanys jelilerinde kóshirgen kezde abonenttiń derbes shotynda jumsalmaǵan aqshalaı qarajaty anyqtalǵan jaǵdaıda, aqshalaı qarajaty qaıtarý Uıaly baılanys qyzmetterin kórsetý qaǵıdalarynyń 43-babynyń tórtinshi bóligine sáıkes abonenttiń ótinishi negizinde júrgiziledi. 46. Kóshirilgen abonenttik nómirdi jańa ıesiniń atyna qaıta tirkeý jaǵdaılaryn qospaǵanda, resıpıentpen uıaly baılanys qyzmetterin kórsetý týraly shart buzylǵan kezde kóshirilgen abonenttik nómir bastapqy operatorǵa 1 (bir) jumys kún ishinde qaıtarýǵa jatady. Bul rette, resıpıent ANODQ-ǵa abonenttik nómirdi bastapqy operatorǵa qaıtarý týraly suraýdy jiberedi.»; qosymsha osy buıryqqa qosymshaǵa sáıkes jańa redaksııada jazylsyn. 2. Qazaqstan Respýblıkasy Aqparat jáne kommýnıkasııalar mınıstrliginiń Baılanys, aqparattandyrý jáne buqaralyq aqparat quraldary salasyndaǵy memlekettik baqylaý komıteti: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy buıryqtyń Qazaqstan Respýblıkasy Aqparat jáne kommýnıkasııalar mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Aqparat jáne kommýnıkasııalar mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Aqparat jáne kommýnıkasııalar vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Aqparat jáne kommýnıkasııalar mınıstri  D.ABAEV «KELISILGEN» Qazaqstan Respýblıkasynyń Ulttyq ekonomıka mınıstri _____________________ Q.Bıshimbaev 2016 jylǵy 1 shilde Qazaqstan Respýblıkasy Aqparat jáne kommýnıkasııalar mınıstriniń 2016 jylǵy 28 maýsymdaǵy №16 buıryǵyna qosymsha Uıaly baılanys jelilerinde abonenttik nómirdi kóshirý qaǵıdalaryna qosymsha Nysan ______________________________________________________ ______________________________________________________ (resıpıent-operatordyń ataýy) ______________________________________________________ ______________________________________________________ (abonenttiń Tegi, Aty, Ákesiniń aty (bar bolǵan kezde), turǵylyqty mekenjaıy, abonenttiń baılanys nómiri) Uıaly baılanys jelilerinde abonenttik nómirdi kóshirýge ótinim Abonenttik nómirdi tómende keltirilgen málimetterdiń negizinde ________________________ -dan _____________________________ -ǵa kóshirýdi suraımyn: (donor-operatordyń ataýy)           (resıpıent-operatordyń ataýy) Abonenttiń Tegi, Aty, Ákesiniń aty (bar bolǵan kezde) / uıymnyń ataýy Jeke basty kýálandyratyn qujat/tirkeý organy bergen zańdy tulǵany tirkeý týraly anyqtama JSN /BSN Abonenttik nómir/ abonenttik nómirlerdiń tizbesi Kóshirý kúni (eger kóshirýge ótinim keıinge qaldyrylsa toltyrylady) Abonenttik nómirdi kóshirýden bas tartýǵa negizdeme bolmaǵan kezde: Donor-operatormen uıaly baılanys qyzmetterin kórsetý týraly shartty buzýdy suraımyn    _________________________ (donor-operatordyń ataýy) Kóshirilgen abonenttik nómirdi tarıftik josparǵa qosýdy suraımyn:    _________________________ (tarıftik jospardyń ataýy) _________________________ (tarıftik jospardyń kody) Abonent toltyrady Men, ____________________________________________________ (abonenttiń Tegi, Aty, Ákesiniń aty (bar bolǵan kezde) abonenttik nómirdi kóshirýdi júzege asyrý maqsatynda resıpıent-operatorǵa, donor-operatorǵa, ANODQ operatoryna «Derbes derekter jáne olardy qorǵaý týraly» 2013 jylǵy 21 mamyrdaǵy Qazaqstan Respýblıkasynyń Zańyna sáıkes meniń derbes derekterimdi óńdeýge óz kelisimimdi beretinimdi rastaımyn. ___________________ (abonenttiń qoly) Zańdy tulǵa-abonent toltyrady Abonenttik nómirlerdi tolyǵymen kóshirýdi tańdaý. NEMESE Abonenttik nómirlerdi ishinara kóshirýdi tańdaý. ________ _______ Abonenttiń Tegi, Aty, Ákesiniń aty (bar bolǵan kezde)                 Qoly Resıpıent-operatordyń jaýapty tulǵasynyń laýazymy                        Tegi, Aty, Ákesiniń aty (bar bolǵan kezde) Qoly Kúni Uıym móri Buıryq Qazaqstan Respýblıkasynyń Ádilet mınıstrliginde 2016 jylǵy 3 tamyzda Normatıvtik quqyqtyq kesimderdi memlekettik tirkeýdiń tizilimine №14064 bolyp engizildi.