О́skemen órenderin ónege etti

Ata Zań merekesi kúni shyǵys­qazaqstandyqtar О́skemen áýe­jaıy­nan HHHI jazǵy Olım­pııalyq oıyndarynyń qola júl­degeri, jeńil atlet Olga Ry­pakovamen birge aýyr atlet Denıs Ýlanov, jeńil atletter Evgenıı Labýtov, Irına Smolnıkova, Elına Mıhına já­ne baıdarkada esýshi Ekaterına Smır­novany qarsy aldy. Áýejaı aldynda sportshylardy jankúıerler atynan quttyqtaǵan oblys ákiminiń orynbasary Jaqsylyq Omar jerlesimiz Olga Rypakovanyń Olımpıadada Qazaqstan jeńil atletteri qatarynan júldeli bol­ǵan jalǵyz sportshy ekenine erekshe toqtaldy. – Elbasymyz atap ótkendeı, Olga Rypakova tek sportshy ǵana emes, sonymen qatar, ol batyr ana, – dedi oblys ákiminiń orynbasary. Rıo Olımpıadasynyń qola júldegeri de rıza­shylyǵyn bildirdi: – Olımpıadadan keıin men taǵy bir jarysqa óner kórsetýge attanyp kettim. Sondyqtan, eki saıystan keıin О́skemenge jetý – men úshin úlken qýanysh. Ár kún saıyn áleýmettik jeli­lerde qoldaý kórsetip, tilek bil­dirgenderińiz úshin alǵys aıtamyn, – dedi Olga Rypakova. Oblys ákimi Danıal Ahmetov Olga Rypakovaǵa jerlesteri atynan Toyota Land Cruiser Prado avtokóligi men 50 myń AQSh dollaryn syılasa, jarysty tórtinshi orynmen aıaqtaǵan Denıs Ýlanovqa eki bólmeli páterdiń kiltin tabys etti. Olımpııalyq oıyndarǵa Shyǵys Qazaqstan oblysynan qatysqan basqa sportshylarǵa, atap aıtqanda, dısk laqtyrýshy Evgenıı Labýtovqa, marafonshy Irına Smolnıkovaǵa, júgirýshi Elına Mıhına men eskekshi Ekaterına Smırnovaǵa oblys ákiminiń bir jyldyq stıpendııasy sertıfıkattary tabys etildi. Dýman ANASh, «Egemen Qazaqstan» О́SKEMEN