Medısınalyq kómek kóńildegideı

Elimizdegi halqy eń kóp shoǵyr­lanǵan alyp shahar Almaty­da medı­sına salasy da kún sanap qar­qyndy damyp keledi. Olar qalada oryn tepken 15 respýb­lıka­lyq ǵyly­mı-zertteý ınstıtýty men or­ta­­lyqtan qalyspaı, Elbasynyń den­­saý­lyq saqtaý salasyna aýdarǵan basty nazarynyń nátıjesinde qala turǵyn­daryna zaman talabyna saı medısı­nalyq qyzmet kór­setý­de. Atap aıtar bolsaq, Táýe­l­sizdik jyl­­dary qaladaǵy 31 den­­saýlyq saq­­taý nysanynyń iske qosy­lyp, 68-den 87-ge, ıaǵnı 27 paıyz­ǵa artýy sonyń birden-bir aıǵaǵy. Son­­daı-aq jańa áleýmettik mańy­zy bar nysandar quryldy. Máse­len, Med­­bıkelik kútim aýrýhanasy, eli­­­mizdegi tuńǵysh jáne jalǵyz ashyl­­ǵan Hospıs, Salamatty ómir sal­­tyn qalyptastyrý orta­lyǵy, Kar­­­dıo­logııalyq jáne Revma­tolo­gııa­­lyq, Qan, Perı­nataldy, Em­deý-dıa­­gnostıka­lyq ortalyqtar. Jer­­gi­­likti bıýdjet esebi­nen (1,5 mlrd tg) qalalyq medı­sı­nalyq kol­­­ledj úshin jańa ǵımarat satyp alyn­­­dy. Halyqqa tegin me­dı­s­ı­­na­­lyq kómektiń kepildik beril­­­gen kóle­min kórsetý boıynsha báse­­ke­les­tik orta qamtamasyz etildi. Bir­yń­ǵaı tólem júrgizýshi júıesinde memlekettik tapsyrysqa ıe bolǵan jekemenshik uıymdardyń úlestik salmaǵy 33 paıyzǵa, joǵary ma­man­dandyrylǵan medısınalyq kómek boıynsha 38 paıyzǵa ósti. Al stasıonarlyq, onyń ishinde jo­ǵary maman­dan­dyrylǵan jáne sta­sıo­nardy almastyrýshy kómekti qarjylandyrý tásilderi ózgertildi. Aǵzalardyń transplantologııasyn jasaýda elimiz boıynsha eń úlken kólemde 2012 jyldyń maýsymynan bastap 190 (172 búırek jáne 17 baýyr, 1 búırek, uıqy bezi) aǵza almas­tyrylǵan. Al týa bitken júrek aqaýymen týylǵan 2 kúndik náresteden 16 jasqa deıingi jasóspirimderge jasalatyn operasııa spektri ıgerildi. Qalalyq onkologııalyq ortalyqta qaterli isikti ıntraoperasııalyq sáýlelermen emdeý tásili Qazaqstan boıynsha tuńǵysh ret engizildi. Jyl saıyn 5 myńnan astam kardıo­hırýrgııalyq operasııalar jasalsa, onyń myńǵa jýyǵy ashyq júrekke jasalady eken. Sonyń nátıjesinde medısınalyq týrızm aıasyn­da 28 memlekettiń, ıaǵnı 150-ge jýyq azamatyna josparly, kásibı medısınalyq kómek kórsetilgen. Táýelsizdiktiń 25 jylynda Al­matyda týý kórsetkishi 18 paıyzǵa artyp, elimizde ómirge keletin árbir 9-shy sábıdiń kindigi ásem qalanyń perzenthanasynda kesilip, táýligine 100-den astam ana balasyn baýyryna basady. Al jalpy ólim 28, náres­teler ólimi 3,8 esege kemigen. Kún saıyn qaladaǵy emhana­lar­da 140 myń­nan astam turǵyn kómek alsa, 60 myń­nan astam zert­ha­na­lyq jáne 15 myńnan astam dıa­g­nostıkalyq zertteýler júr­gizi­­­ledi. Bir táýlikte hırýrgtar 250-den astam hırýrgııalyq operasııa­, onyń ishinde respýblıka tur­ǵyn­dary arasynda suranys artqan 30 joǵary tehnologııalyq operasııa jasalady. Eń bastysy, almatylyqtardyń ómir súrý jasy 75-ke deıin artyp otyr. Gúlzeınep SÁDIRQYZY, «Egemen Qazaqstan»